Tony Blair

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Tony Blair

Anthony "Tony" Charles Lynton Blair (Edinburgh, 6 mei 1953) waor van 1997 tot 2007 premier van 't Vereineg Keuninkriek. Hae ies lid van de Labour Party. Blair waor de langs zietende Labour-premier.

Blair sjtudeerde rechte aan St. John's College in Oxford. In 1983 woort hae verkoze in 't parlement. In 1994 volgde hae John Smith op es leier van de Labour Party. Ónder de leijing van Blair versjoof de partie nao 't miedde van 't politiek sjpectrum. "New Labour" wón de verkezinge van 1997 euvertugend, woadoor Blair premier woort. Bie de verkezinge van 2001 handhaafde hae zien mièrderheid in 't parlement en op 5 mei 2005 behaolde hae zien derde achtereinvolgende verkezingseuverwinning, al leep de mièrderheid van Labour in 't Liègerhoes sjterk truuk.

In de boetelandse politiek vurmp de regering van Blair saer 11 september 2001 'n alliantie mèt de Vereinigde Sjtaote, zoawaal in de oorlog in Afghanistan es dae in Irak.

In juni 2007 droog hae achterein de mach in de partie en 't premiersjap euver aan Gordon Brown. Metein daonao góng hae wèrke es diplomaat.

Blair ies getrouwd en haet 4 kinger.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Tony_Blair&oldid=351238"