Tao

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Tao-karakter

Tao of dao figuurlek waeg of pad, oetgesjpraoke es "Daauw", is 'n waezelek oonderdeel van de oosterse filosofie.

Es filosofisch begrip is 't de aalömvattende, oet zichèges besjtaonde, ooneindige, tiedloze kosmische èènhèèd. De brón van aal én de besjtèmming van aal. Zoonder begin en zoonder èng. 't Begrip Tao sjtèèt centraal in 't taoïsme.

Me kan d'r Tao allèng bie benaodering lieëre begriepe. In d'r tekst van d'r Tao Te Ching, dae vólges de överlievering zów gesjraeve zieë dör Laozi, sjteet: "De essentie van d'r Tao is dat 't neet oetgedrökt kan werre. Es me deenkt 't waal te kènne oetdrökke, dan is 't neet d'r Tao." D'r Tao is vörmloos en neet geboonde an 'n vörm.

D'r Tao voedt aal. 't Sjept de geweunsjde ordeleke patroeëne in d'r chaos. Mae d'r weunsj nao ordeleke patroeëne zal noeëts vervöld werre. Me kan allèng mer óp 't pad blieve van d'r zeuktocht. In d'r Taoïstische lieër is Tao de kwalitèèt van dae zeuktocht. 'ne Keunstenaer is ieëmes dae d'r naodrök laet óp 't bewandele van d'r waeg in plaatsj van óp de besjtèmming.


Externe links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Tao&oldid=352519"