Laozi

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Confucius bezeukt Laozi

Laozi of Lao Tzu (604 v.Chr. - 507 v.Chr.) (jiaxiang: Henan, Zhoukou, Lüyi 河南省周口市鹿邑县) waor 'ne Chinese filosoof oet d'r 6e ieëw vör Christus en me nèmt aan dat e d'r sjtichter is van 't taoïsme.

Laozi's achternaam waor Li 李 en ziene naam waor Er 耳. "Laozi" betekent "odste zoon", dat keumt warsjienglek ömdat e zie gaans laeve wit haor how.

't Verhaol vertèlt dat Laozi ènige tied es filosoof roondtrók, mae dat nieëmes nao zieng woerheed wól loestere. Oeteindelek goof e 't óp de luuj goje raod te gaeve en besjlaoët de besjaafde waelt, in dit geval China, te verlaote. An de westgrens kieëm Laozi evvel 'ne paoërtwachter taege, dae 'm wis te övertuge öm zieng ideje in alle geval óp te sjrieve. 't Zów tóch zung zieë es die verlaore gónge. Laozi sjraef hieóp d'r Tao Te Ching.

't An Laozi toegesjraeve waerk, d'r Tao Te Ching (Book van Waeg en Deugd), is 'n verzameling van 81 kórte Chinese tekste die handele över good leidersjap. 't Is evvel warsjienglek dat d'r Tao Te Ching neet dör ene auteur gesjraeve is, mae dat 't 'n verzameling wieshede is. Gelieërde datere 't waerk oet d'r twiede ieëw vör Christus.

Bekaande quotes[bewirk | brón bewèrke]

  • "D'r bètste leider is dae, oeëvan me gaar neet merkt dat e besjteet, d'r twiedbètste dae, dae gepriesd en geieërd wert, d'r driejd bètste dae oeë me bang vör is en d'r sjlechste is dae, dae me haat. Es 't waerk van d'r bètste leider gedoeë is, zage de luuj: "Dat haant v'r èges gedoeë!" - Kapitel 17
  • "De educatie zoonder waoërt, de waeërd van 't neet-handele bereike mer wènnig luuj óp de waelt." - Kapitel 43
Commons
Commons
In de categorie Laozi van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Laozi&oldid=354869"