Sjraar Peetjens
Dit artikel is gesjreve in 't Venloos. 't Weurt gewaardeerd óm in dit artikel 't Venloos aan te hauwe of aan te gaeve welk anger dialek gebroek is.
Sjraar Peetjens (Venlo, 21 december 1922) is op d'n aldste vertolker van 't Venlose vastelaovesleed. Zien alleriërste leedje zóng Sjraar in 1947 veur Jocus, De Floddergats. In de jaore 50 vormde Sjraar ein duo met zien broor Piet. 't Bekindste door Sjraar gezónge leedje is "Och waas ik maar beej moder thoès gebleve". In de jaore 60 van de vurrige iëw makde Sjaar deil oét van 't zengerskwartet De Straotzengers, same met broor Piet, Wiel Seelen en Frans Boermans.
Nao jaore van stilte um de persoeën Sjraar Peetjens kwaam hae in 1996 weer in 't middelpunt van de belangstelling te staon wie hae gevraog woort um nog ens waat leedjes op de bühne te bringe tiejes Nappes op de Proms. Vanaaf det moment steit Sjraar weer regelmaotig op de plenk en haet hae aan diverse cd's en optraejes meigewerk. Sjraar is te huùre op diverse nieje CD's, o.a. op de cd DERDS same met NUATH en René Scheffer.
De Venlose bend Minsekinder haet same met Sjraar ein cd opgenaome, "Sjraar zingk met Minsekinder".
In augustus 2006 behaolde Sjraar de 2e plaats in de Limbo Top 10 met 't nummer "As ik 84 bin". Dit leedje waas de Venloostalige versie van 't Venlose Serzjant Paeper-projec. Dit nummer woort ouk door Sjraar live gezónge tiejes de äöpening van de Venlose Zomerparkfeeste in 2006.
Sjraar is op 21 december 2007 85 jaor gewaore. Deze verjäördaag is gevierd met ein groeëte receptie in Hotel Wilhelmina in Venlo.
