Sjraar Peetjens
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
Sjraar Peetjens (Venlo, 21 december 1922 - aldao, 27 jannewarie 2019) waas 'ne vertolker van 't Venlose vastelaovesleed. Zien alleriërste leedje zóng Sjraar in 1947 veur Jocus, De Floddergats. In de jaore 50 vormde Sjraar ein duo met zien broor Piet. 't Bekindste door Sjraar gezónge leedje is "Och waas ik maar beej moder thoès gebleve". In de jaore 60 van de vurrige iëw makde Sjaar deil oét van 't zengerskwartet De Straotzengers, same met broor Piet, Wiel Seelen en Frans Boermans.
Nao jaore van stilte um de persoeën Sjraar Peetjens kwaam hae in 1996 weer in 't middelpunt van de belangstelling te staon.Hae kwaam in contact met Minsekinder. De leidsman van die band - Michiel van der Grinten - waas zoë onder d'n indrök van de vitaliteit en nog steeds aanwezige, krachtige en loepzuuvere stum beej de nestor van ut Venlose vastelaovesleed, det al snel verschillende gastoptraejes verzörregde beej Minsekinder. Zoë kwaam Peetjens waer in contact met ut Venlose publiek det um onmiddellijk in de erm sloot. Het hoeëgtepunt van deze samenwerking waas ein optraeje van Minsekinder met Peetjens beej gelaegenheid van het 20-jäörige jubileum van de band, tiédes het Zomerparkfeest. Zeej brachten samen in 2000 ein CD oét met de titel "Sjraar Peetjens zingk met Minsekinder". Same met deze band zingk de 90-jäörige nog steeds. Beej de Proms Konzerte van NUATH isse auk altiéd present en zingk hae minnig leedje met eur.
In augustus 2006 behaolde Sjraar de 2e plaats in de Limbo Top 10 met 't nummer "As ik 84 bin". Dit leedje waas de Venloostalige versie van 't Venlose Serzjant Paeper-projek. Dit nummer woort ouk door Sjraar live gezónge tiejes de äöpening van de Venlose Zomerparkfeeste in 2006.