Sirius (staar)

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Sirius A en Sirius B (links oonder Sirius A) gezeen door Hubble

Sirius is 'n staar in 't starebeeld Groeten Hoond. Ze weurt ouch wel de Hoondsstaar geneump. 't Is de mies helder staar aon de starenhiemel, mèt 'n magnitude vaan -1,46 wel twie kier zoe helder es de dao-op volgende, Canopus. De helderheid is te daanke aon zoewel de intrinsieke leechkrach (luminositeit) es aon d'n aofstand tot de Eerd: Sirius steit mèt 'nen aofstand vaan 8,6 leechjaor relatief kortbij.

Dobbelstaar[bewirk | brón bewèrke]

In 1844 woort opgemerk door Friedrich Bessel tot de staar gein rechte baon aon d'n hiemel besjrijf. Heer diechde dat touw aon 't feit tot Sirius nog 'ne begeleider had. Deze begeleider, Sirius B, woort in 1862 veur d'n ierste kier gezeen. Later woort vasgestèld tot Sirius B 'ne witten dwerg is: d'n diameter is slechs 0,0022 (eus zon=1), dewijl de massa 0,99 is (eus zon=1). De deechde is daan dus 100.000 kier groeter es de deechde vaan de Zon.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sirius_(staar)&oldid=369900"