Schoonhoven

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Gemeinte Schoonhoven

Veendel vaan Schoonhoven

Waope vaan Schoonhoven

Gemeinte Schoonhoven in Zuid-Holland

Provincie Zuid-Holland
Hoofplaats Schoonhoven
Börgemeister (lies) André Bonthuis (PvdA)
Opperflaakde
– daovan water
6,96 km²
0,65 km²
Inwoeners
deechde:
11.914 (1-4-2011)
1888/km²

Schoonhoven is 'n stad en gemeinte in de Nederlandse provincie Zuid-Holland, aon de reveer de Lek, in de Krimpenerwaard, mèt zoe'n twelfdoezend inwoeners en 'n oppervlak vaan 6,96 km2 (daovaan 0,67 km2 water). Neve 't stedsje Schoonhoven ligke ouch e deil vaan 't dörp Willige Langerak (allein d'n dörpskern; de lintbebouwing ligk in de gemeinte Lopik) en deile vaan de naobersjappe Zevender (westelek deil; res bij Lopik) en Bovenberg (oostelek deil; res bij Bergambacht) in dees gemeinte. Mèt dit groondgebeed is Schoonhoven nao oppervlak de kleinste gemeinte vaan Nederland.

Stadsfuncties en -geziech[bewirk | brontekst bewerken]

Schoonhoven hoesves 'n vaksjaol veur edelsmei en zjuwelere. Veural de zèlverbewèrking is hei vaan groete historische beteikenis. De aw stad is umgeve door zeventienden-iewse walmör, allewijl es beplante prommenaad ingeriech, mèt de bezeensweerdege Veerpoort oet 1601. 't Laat-gotisch raodhoes, boe-aon woort begós in 1452, oetgebouwd in 1776 en gerestaureerd tösse 1927 en 1929, heet e groet oetgebreid kerriljong. De hervörmde kèrk heet e koer oet 1375 en 'nen torie oet de vieftienden iew. In dees kèrk ligk oonder mie 't graaf vaan ziemaan Olivier van Noort.

Historie[bewirk | brontekst bewerken]

Schoonhoven waor sinds ind daartienden iew 'n hierlekheid die achterein door versjèllende geslachte bestuurd woort. In 1320 en 1322 kraog de plaots vaan de hiere vaan Blois stadsrechte. Later in de veertienden iew kaom de hierlekheid aon de graove vaan Holland. Tijens de Hoekse en Kabeljouwse twiste woort 't e bolwerk vaan de Hoeke. Nao in 1572 door de Watergeuze vereuverd te zien kaom de stad in 1575 weer in hen vaan de Spanjole, tot de Pacificatie vaan Gent dao in 1577 'n ind aon maakde. Later in de Tachtegjaoregen Oorlog, tijens 't Twelfjaoreg Bestand, waor in Schoonhoven 't remonstrantisme good vertegewoordeg.

In 1970 kaom d'n awwen dörpskern vaan Willige Langerak aon Schoonhoven; wijers is de gemeinte neet bij herindeilinge betrokke gewees.

Gebore in Schoonhoven[bewirk | brontekst bewerken]

Externe link[bewirk | brontekst bewerken]

Gemeintes Provincie Zuud-Hollandj

Alblasserdam | Albrandswaard | Alphen aan den Rijn | Barendrecht | Bergambacht | Bernisse | Binnenmaas | Bodegraven-Reeuwijk Brielle | Capelle aan den IJssel | Cromstrijen | Delft | D'n Haag | Dordrech | Giessenlanden | Goeree-Overflakkee | Gorinchem | Gouda | Hardinxveld-Giessendam | Hellevoetsluis | Hendrik-Ido-Ambacht | Hillegom | Kaag en Braassem | Katwijk | Korendijk | Krimpen aan den IJssel | Lansingerland | Leerdam | Leiden | Leiderdorp | Leidschendam-Voorburg | Lisse | Maassluis | Midden-Delfland | Molenwaard | Nederlek | Nieuwkoop | Noordwijk | Noordwijkerhout | Oegstgeest | Oud-Beijerland | Ouderkerk | Papendrecht | Pijnacker-Nootdorp | Ridderkerk | Rijswijk | Rotterdam | Schiedam | Schoonhoven | Sliedrecht | Spijkenisse | Strijen | Teylingen | Vlaardingen | Vlist | Voorschoten | Waddinxveen | Wassenaar | Westland | Westvoorne | Zederik | Zoetermeer | Zoeterwoude | Zuidplas | Zwijndrecht

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Schoonhoven&oldid=348087"