Saladin

Van Wikipedia
Gank nao: navigatie, zeuke
Saladin, van 'n twelfde ieuwse Arabese codex

Yusuf Ibn Ayyub (óngevier 1138 - 4 miert 1193) is baeter bekèndj es Saladin (in 't Zazaki Selaheddînê Eyûbî, in 't Arabisch Salah ad-Din Yusuf Ibn Ayyub; صلاح الدين يوسف ابن ايوب). De tittel Salah ad-Din beteikent De Rechvaerdigheid van 't Geluif.

Saladin woor 'n Zazaisch milletaer liejer en stjichter vanne Ayyubiede dinnestie die euver Egypte en Syrië heersjde in de 13de ieuw. Hae is bekènd es de vereuveraer van Jeruzalem oppe Kruusvaerders. In 't Weste stuit hae ou'nog bekèndj es de verperseunleking van 't Middeliews ridderidejaal, mie den innige Wes-Europese ridder zelf.

Hae is gebore róndj 1138 in Tikrit. Hae trood in deens bie de heerser euver Syrië, Nureddin, wie ze vader Ayyub en zien nónkel Shirkuh. Hae begeleide Shirkuh bie zien veldtoch tege Egypte. Nao de doed van zen nónkel versloog hae de Fatimide en woor zoe heerser euver 't rieke Egypte. Vanaaf dou begos hae de bevele van Nureddin te negere. Wie Nureddin steerf, loot dae 'n zoon van èlf es opvolger en kos Saladin Syrië mekkelik verovere.

Vanoet die machsposisie hereuverde hae in 1187 Jeruzalem oppe Kruusvaerders nao de Slaag bie Hittin. Hieop begos in 1189 de Dörde Kruustoch, óngerangere ónger leijing van Richaar I Liewehart van Ingeland. Richaar kos Jeruzalem neet terök verovere en sloot oetèntelik in 1192 e verdraag mèt Saladin veur vriej deurtoch van Kristelike pelgrims nao Jeruzalem.

Op 4 miert 1193 steerf Saladin in Damascus. De sjatkis hauw neet genóg geldj veur zen begrafenis. Hae hauw 't gans gespendeerd aan oorloge en aalmoeze.

Extern linke[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Saladin&oldid=349757"