Rigel

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Rigel (beta Orionis) is de helderste staar in 't starebeeld Orion (starebeeld) en de zèsde helderste staar in de loch, mèt magnitude 0,18.

Rigel ligk op 'nen aofstand vaan 700-900 leechjaor. 't Is 'ne blauwe reus, 70 kier zoe groet wie de Zon, mèt 'n massa vaan oongeveer 17 zonne-massa's. Rigel sjijnt oongeveer 40.000 kier zoe helder es de Zon. Rigel is 'n meervoudege staar, bestaond oet zeker 3 stare.

De naom vaan de staar is aofgeleid vaan de lokatie in 't starebeeld, naomelek in de linkervoot. In 't Arabisch hèt de staar Riǧl Ǧawza al-Yusra, ofwel "linkervoot vaan de Centrale". 'nen Aandere Arabische naom is riǧl al-ǧabbār, ofwel "voot vaan de groete". Deze lèste variant is ouch de bron vaan 'nen aandere naom veur de staar, Algebar.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Rigel&oldid=342642"