René Lotz

Van Wikipedia
Gank nao: navigatie, zeuke
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Steins, as te dit dialek sjpriks.

René Lotz

Cornelis Gerardus René Lotz (Sjtein, 18 april 1938) is eine veurmalige Nederlandjse professionele fitserenner.

Nog veurdat Lotz profrenner woort waas hae in 1957 al èns tweëde gewore in de Runj van Limburg. Ein jaor later woort hae derde in dees runj en wón hae de Runj van Midde-Nederlandj en de Ómloup van de Kempe. In 1960 woort hae opnuuj tweëde in de Ómloup van de Kempe mèr zien groatste euverwinning in dat jaor waas zien eësjte plaatsj in de etappewedsjtried de Runj van Oasteriek, ein prestatie die hae tweë jaor later zouw herhaole.

René Lotz deeg names Nederlandj mit aan de Olympische Sjpele van 1960 in Roame. Hae kaom hiej oet op de individuele waegwedsjtried en de plogetiedrit. Op de individuele waegwedsjtried haolde hae de finish neet. Op de plogetiedrit, die hae same met ziene provinciegenaot Jan Hugens, Ab Sluis en Lex van Kreuningen reej, woort hae veerde en belanje daomit net boete de medaajes. Vlak nao de Sjpele euverwoog Lotz óm te sjtoppe mèt fitserenne, ómdat hae vónj dat deilname aan de Sjpele 't hoags haolbare zouw zeen wat hae koosj bereike. Hae kroog aevel ein lucratieve aanbejing van ein ploog oet Frankriek en op aandringe van ziene baas besjloot hae 't ein jäörke te perbere. Nao ein jaor knechwerk te höbbe verrich veur Jacques Anquetil sjtopde hae mèt fitserenne.

Eërelies[bewirk | brontekst bewerken]

1957

1958

1960

1962

  • 1e in Runj van Oasteriek
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=René_Lotz&oldid=349713"