Radiata

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De oerkwal (Aurelia aurita) huurt wie alle kwalle tot de radiata.

Radiata zie e taxon oet 't oonderriek Eumetazoa (bieste mèt weefsele). Ze umvatte twie stamme: de nietelbieste (Cnidaria) en de ribkwalle (Ctenophora). 't Taxon is vreuger ouch gebruuk veur oonder mie Spoonze, Stekelhuiege en Plakbieskes, meh later oonderzeuk heet zoe'n indeilinge ingehaold. Ouch de huiege, oetgekleide definitie gelt es parafyletisch: de Radiata höbbe geine veurawwer die de Bilateria (alle aander Eumetazoa, boe-oonder alle hoegoontwikkelde bieste) neet höbbe.

De Radiata oondersjeie ziech same mèt de Bilateria vaan de Spoonsechtege (Parazoa) doortot ze echte weefsele (nerve en spiere, wie sumpel ouch) höbbe, en doortot ze symmetrie kinne. Ze versjèlle vaan de Bilateria doortot neet twiezijeg, meh alzijeg symmetrisch zien (zègk mer gerös roond). Spoonze zien ouch dèks roond, meh misse echte weefsele. Stekelhuiege (ziestare en verwante) zien ouch drejsymmetrisch, meh vertuine es larf dudelek twiezijege symmetrie. Dit heet detouw geleid tot dees taxa vaan de Radiata woorte aofgeplits. Ouch binne de 'huiege' Radiata zien neet alle soorte ech drejsymmetrisch. Is dit kinmerk evels oontstande veur de splitsing vaan nietelbieste en ribkwalle, daan kin 't toch wel zin höbbe um ze bijein in te deile.

De Bilateria stamme dinkelek vaan de Radiata aof; welke plaots ze perceis in de stamboum mote innumme is oondudelek.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Radiata&oldid=343600"