Quentin Tarantino

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

Quentin Tarantino bie de Scream Awards in 2007

Quentin Tarantino is 'ne Amerikaanse regisseur. Heer is gebore in Knoxville, Tennessee, op 27 miert, 1963.

Zien films

Tarantino's films zien Arthouse-films. Oftewel alternatief, en miestal neet zoemer veur 't groete pebliek bedoelt. Bekans al zien films zien erg gewelddaodeg, op Jackie Brown nao, wat oeteindelek ouch ein vaan de minst populaire films woort. Toch zien ze oondaanks 't geweld, altied hiel fóffeg, meugelek zjus omtot ze zoe gewelddaodeg zien. Dit soort films valle oonder de term Nouvelle Violence. 'n Deil vaan de films die geregisseerd zien door Tarantino zien:

• Reservoir Dogs (1992)
• Pulp Fiction (1994)
• Jackie Brown (1997)
• Kill Bill, Deil 1 & 2 (2003)
• Death Proof (2007)
• Inglourious Basterds (2009)

Neve 't regissere

Heer regisseert neet allein zien films, miestal sjrijf heer ze ouch hielemaol allein ('t gief gein films boe heer neet aon 't verhaol heet gewèrk) en heer acteert ouch dèks in de films die heer regisseert, al zien de rolle soms erg klein. In Reservoir Dogs späölt heer beveurbeeld ein vaan de hoofrolle, mer in Inglourious Basterds späölt heer mer e liek wat op de achtergroond lègk.