Prison Break

Van Wikipedia
Gank nao: navigatie, zeuke

Dit artikel is gesjreve in 't Breuker. 't Weurt gewaardeerd óm in dit artikel 't Breuker aan te hauwe of aan te gaeve welk anger dialek gebroek is.


Prison Break
Genre: Actie, drama, thriller
Sjpieëldoer: 40-43 minute
Land van oersjpróng: Veraenigde Sjtate
(op FOX)
Hoofrolle: Wentworth Miller
Dominic Purcell
Peter Stormare
Robin Tunney
Amaury Nolasco
Marshall Allman
Sjtart: 29 augustus 2005
Totaal aantal aafleveringe: 44

Prison Break is 'n Amerikaanse televisieserie die va sjtart góng op 29 augustus 2005 op d'r zender FOX. 't Verhaol sjpieëlt zich aaf rónd 'ne man dae ter doeëd veroerdaeld woert vuur 'n misdaad die 'r neet gepleegd haat en ziene broors oetgebreid plaan óm häöm te helpe óntsjnappe aan de doeëdsjtraof. De serie is bedacht en gesjriëve doer Paul Scheuring.

Aavankeljk waoëre d'r mer twieë sezoene vuur de serie geplaand, meh doer de popularitaet d'rva zint d'r i-middels al drie sezoene gemakt. 't Ieësjte sezoen woert in de Veraenigde Sjtate gemiddeld doer ruum 9 miljoeën luuj bekiëke. Aoch is d'r e Prison Break-blaad oetgekómme.

De serie waert aoch in e groeët aantal anger leng oetgezónde, i Nederland saer 16 mieërt 2006 op RTL 5 en i Belsj saer 10 september van datzelfde jaor op KanaalTwee.

Productie[bewirk | brontekst bewerken]

Vorming[bewirk | brontekst bewerken]

't Oersprónkelik concep va Prison Break ('ne man dae opzèttelik in de gevangenis belandt óm ieëmes te helpe óntsjnappe) woert aa Paul Scheuring vuurgelag doer producente Dawn Parouse, die 'n actiegerichde serie wól producere. Wiewaal Scheuring 't 'n good idee vóng, zoog 'r in dat 't häöm gans get tied zou gaoë koste óm dao 'n laeëvesvatbaar televieserie va te kinne make. Hae bedacht 't verhaol uëver d'r ónterech besjöldigde broor, en begós te wirke aan 'n plotsjets en 't oetwirke van de personages. In 2003 bracht 'r 't idee nao de Fox Broadcasting Company, woeë 't doe woert aafgewiëze ómdat FOX uëver de muëgelikhaede op langere termien twiefelde. Hae loot vervolges 't concep aan inkel anger televisienètwirke zieë, meh aoch dao zónger succes ómdat ze 't mieë get vónge vuur 'ne film es vuur 'n serie. De serie woert later uëverwoge es 14-daelige miniserie, die vermaend doer Steven Spielberg of Bruce Willis zou waeëre geproduceerd, meh daova is nieks gekómme. Oetindelik kaom FOX truuk op 't vuursjlaag, vawaeëge 't succes va series wie Lost en 24 en begós in 2004 mit de productie va Prison Break.

Paoërt van de gevangenis i Joliet, Illinois

Filmlocaties[bewirk | brontekst bewerken]

't Groeëtste dael van 't ieësjte sezoen woert gefilmd in de gevangenis va Joliet (Illinois), 60 kilometer zuudwestelik va Chicago gelaeëge. De gevangenis is gesjlaoëte saer 2002. In de serie waert 't de Fox River State Penitentiary geneumd. De cel va Lincoln woert wie de gevangenis nog gebroekt woert, i gebroek genómme doer John Wayne Gacy, 'n seriemäörder.

Plot[bewirk | brontekst bewerken]

Sezoen 1 besjtaet oet 22 aafleveringe en sjpieëlt zich vuural aaf in de gevangenis. Lincoln Burrows zit ónterech gevange vuur d'r maoërd op d'r broor van d'r vicepresident van de Veraenigde Sjtate (Terrence Steadman) en zal binnen inkel maonde waeëre geëxecuteerd. Ziene broor, Michael Scofield, zuut mer aen muëgelikhaed óm häöm oet de gevangenis te doeë óntsjnappe: hae pleegt 'ne gewappende uëverval en mót van d'r rechter vief jaor achter de tralies in dezelfde gevangenis wie ziene broor, de Fox River State Penitentiary. Dao gaet 'r Lincoln helpe óntsjnappe. Michael waor boewkundige ingenieur bie Maxwell & Schaum, 't bedrief dat de gevangenis renoveerde. Daodoer haat 'r de blauwdrökke van de gevangenis. Hae haat die blauwdrökke, same mit anger informatie, op zie lief laote tatoeëre, i code, zoeëdat allaen hae de betaekenis van de tatoeages kint en nieëmes alarm zal sjlaoë. Binnen de gevangenis bliekt dat Michael e groeëts plaan haat opgezat óm ziene broor te bevrieje en zien ónsjöld te bewieze.

Sezoen 2 besjtaet aoch oet 22 aafleveringe en ligkt direk in 't verlengde van 't ieësjte sezoen. 't Begint ach oer nao de oetbraok oet de Fox River State Penitentiary, en richt zich vuural op de groep óntsjnapte. Dit sezoen sjpieëlt zich uëverwaeëgend boete aaf.


De volgende sectie van dit artikel is gesjreve in 't Mestreechs.

Sezoen 3 besteit oet 13 aofleveringe en späölt zich weer aof in 'ne gevaangenis, de Sona gevaangenis in Panama. Micheal is hei opgeslote en weurt gechanteerd um 'nen aandere gevaangene te helpe oontsnappe. In de gevaangenis heers evels anarchie. D'r zien gein bewakers (die zien inkel boete de gevaangenis te vinde) en daobij heet Micheal slechs ein week um zien plan oet te kinne voere.

Personages[bewirk | brontekst bewerken]

Extern links[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Prison_Break&oldid=340324"