Peëpernoeët
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
'n Peëpernoeët is tei en helbroen lekkesj wat döks vuur en tiedes 't sinterkloasfieës weëd gegeëte. 't Weëd gemaak van rogkebloom, hoeënig en anies en hat 'n ónregelmieësige vorm. Qua sjmaak en textuur liekent 't op printemenkes (teitei). Wie peëpernuuet aan hunne naam zint gekoame, is neet dudelig. Peëpernuuet bevatte mieëtstes ginne peëper en dat is ja óch ónwaarsjienlig aagezieë dit produk in vreuger tieje bezónger duur woar.
't Woad peëpernoeët weëd döks besjouwd es synoniem va kroednoeët. Dat is evvel sjtrik genoame neet richtig. Kroednuuet liekene ieëder op sjpikkelaas.