Ode & Tribute

Van Wikipedia
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Haorsters, es te dit dialek sjpriks.

Ode & Tribute is 't ein-nao-lèste album vaan de Haorster punkband de Heideroosjes. 't Is e dobbelalbum wat gans besteit oet covers: op de ierste sjijf (Ode) speule de Heideroosjes meziek die veur hun vaan belaank is gewees (soms, meh neet ummer, veur de vörming vaan hunne stijl), 't twiede deil (Tribute) bevat leedsjes vaan de Heideroosjes gebrach door aandere. 't Dobbelalbum is gemaak bij 't twintegjaoreg bestoon vaan de band in 2009.

Artwork[bewirk | brón bewèrke]

Op de veurkant steit, neve 't alaajd logo mèt de gezèttekoplètters, e logo in de vörm vaan 'n waopecompositie: e 'HR'-monogram in 'ne cirkel mèt daoneve twie aonziende liewe, veurzeen vaan d'n titel Ode & Tribute es devies. 't Monogram steit sinds 2000 al geregeld op hun platehoeze, 'n (aander) waopecompositie versjeen ieder op 't Amerikaans album Royal to the bone.

't Teksbeukske bevat touwliechting vaan de band bij alle nómmere wat ze covere, op eine vaan de flappe steit commentaar vaan deejay Leon Verdonschot (co-oteur vaan e book euver de band).

Späöllies[bewirk | brón bewèrke]

Sjijf 1: Ode

  1. Intro 1:06
  2. Rock this town 3:01
  3. Wouldn't it be nice 2:18
    • Cover vaan Pennywise. De Heideroosjes waore al sinds hun ierste daog fans vaan dezen Amerikaanse punkband en späölde later in hun veurprogram. Neet te verwarre mèt de gelieknaomege nómmer vaan de Beach Boys.
  4. De wereld draait door (1989-2009) 2:33
    • Rockversie vaan We didn't start the fire door Billy Joel. Dit leed stoont in 1989, 't jaor tot de band begós, hoeg in de hitlieste. De nuie Nederlandsen teks besjrijf de groete nuitsfeite en rages tösse 1989 en 2009, zjus wie d'n oersprunkeleken teks de feite tösse 1949 en 1989 opsomde. D'n titel is 'n touwspeuling op 't zier populair Nederlands tv-program mèt dezelfde naom.
  5. Screaming for change 1:31
  6. Back home 2:26
  7. The riddle 2:06
    • Cover vaan e synthipopleedsje vaan Nik Kershaw. Marco Roelofs koch de single wie heer ach waor. Leon Verdonschot merk in de liner notes op tot "'t ouch nog zoeget gief wie invlood tege wèl en daank", umtot in de jaore 1980 zoe'ne synthesizermeziek euveral op de radio te hure waor. Hei is 't leedsje, wie de res vaan de plaat, in 'n punkversie opgenome.
  8. Eén oorlog tegelijk 2:37
  9. Nothing is easy 2:15
    • Oersprunkelek vaan de Duitse punkband Spermbirds. Marco Roelofs zaog de band in zien jong jaore in Venlo speule.
  10. Doe maar net alsof je neus bloedt 3:54
    • 'nen Hit vaan Doe Maar. Volgens Leon Verdonschot waore alle kinder gebore in jaore 1970 fan vaan Doe Maar, de Heideroosjes neet oetgezunderd. De käös veel op dit politiek gekleurd nómmer um zienen teks.
  11. We are 138/American Psycho 3:31
    • Twie korte songs vaan The Misfits, 'nen Amerikaanse punkband. Marco Roelofs zeet de band te kinne via Metallica (zuug oonder), die op concerts hun T-shirts droge.
  12. Ring of fire 2:44
    • 't Bekindste leedsje vaan Johnny Cash. Marco Roelofs ziene pa waor fan vaan häöm en drejde ziene meziek hiel väöl.
  13. I wanne be sedated 2:00
    • Vaan de vreugen Amerikaanse punkband The Ramones, dee bekind stoont um zien gemekelek in 't gehuur ligkende, vlotte leedsjes. Volgens Frank Kleuskes vaan groeten invlood gewees op de Heideroosjes. Marco Roelofs zeet tot dit in 't begin eine vaan de wienege bands waor die ze alle veer leuk voonte.[1]
  14. Medlica (bonustrack) 5:44
    • Fragminte vaan de Metallicasongs For whom the bell tolls, Four horsemen, Motorbreath, Seek & destroy en Master of puppets in 'ne medley aoneingesmeid. De Heideroosjes oontstoonte oets wie Frank Kleuskes op Marco Roelofs aofstapde um vaan häöm blaadmeziek vaan Metallica te kinne kopiëre. Leon Verdonschot meint tot in Haors op de mavo alle joonges wel vaan dezen Amerikaanse metalband hele. Roelofs zelf zeet tot de commerciëlen hardrock vaan Bon Jovi evels populairder waor.[1]

Sjijf 2: Tribute

  1. Peter Pan Speedrock: I'm not deaf (I'm just ignoring you) 2:46 (orzjineel kump vaan Noisy fairytales en steit ouch op Smile... you're dying!)
  2. Bløf: Dan breekt de hel los 3:14 (orzjineel kump vaan SINema)
  3. Di-Rect: I can't change the world 1:42 (orzjineel kump vaan Fifi en steit ouch op Smile... you're dying!)
  4. Gorki: Embrace & destroy 4:16 (orzjineel kump vaan Chapter eight, the golden state)
  5. The Kids: Nothing for free 2:53 (orzjineel kump vaan Fifi en steit ouch op Smile... you're dying!)
  6. Jacqueline Govaert: Time is ticking away 2:14 (orzjineel oetgebrach es single; steit ouch op Schizo)
  7. Epica: Nothing's wrong 3:23 (orzjineel kump vaan Fast forward)
  8. The Opposites: Tering tyfus takketrut 1:14 (orzjineel kump vaan Choice for a lost generation?!)
  9. Backfire: Break the public peace 2:58 (orzjineel oetgebrach es single; steit ouch op Fifi en Smile... you're dying!)
  10. The Apers: Scapegoat revolution 2:11 (orzjineel kump vaan SINema)
  11. Rowwen Hèze: Time is ticking away 3:44
  12. Belgian Asociality: Tering tyfus takketrut 1:21
  13. Nailpin: Fistful of ideals 4:55 (orzjineel kump vaan Schizo)
  14. Band Zonder Banaan: Sjonnie & Anita 3:27 (orzjineel kump vaan Fifi)
  15. Jeremy's: Beach of fake 2:03 (orzjineel kump vaan Fifi)
  16. Urbanus: Ze smelten de paashaas 4:28 (orzjineel kump vaan Noisy fairytales, es bonustrack)

Rifferenties[bewirk | brón bewèrke]

  1. 1,0 1,1 Marco Roelofs, "Sleutelplaten" in OOR 2017-3: p. 59.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ode_%26_Tribute&oldid=446985"