Nefertiti

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Buste vaan Nefertete oet Berliens Altes Museum

Nefertiti waor de Groete Keuninklike Vrow (of hoofconsort/echgenote) vaan de Egyptische farao Amenhotep IV (later Akhenaten), en sjoenmojer vaan farao Toetanchamon. Amenhotep regeerde euver Egypte tieden de 18e dynastie, van 1352 v. Chr. tot 1338 v. Chr., en daomet keuningin tiedes de Amarna periode. 't is good meugelek dat zie ouch op 'r eige regeerde oonder de naom Neferneferuaten, veur korten tied nao d'n doed vaan häöre maan en veur de troensbesjtijging vaan Toetanchamon. Häöre naom vertaolt ziech oongeveer tot "de sjoen (of perfecte) vrow is gekôme". Häöre naom liekent ouch op de aonduijing veur e soort verlengde gowwe kräölke, boemèt zie dèks aofgebeeld woort.

Zie is beroemp gewore door häör buste, noe in 't Altes Museum in Berlien, heij rechs aofgebeeld. 't Beeld weurt towgesjreve aon de beeldhowwerker Djhutmose. De buste is bezoonder door 't eenziech die ze gief in de opvattinge die de Aw Egypteneere hadde euver gooj geziechsverhawwinge.

Zie had väöl titels, in Karnak zien inscripsies die leze: Eerfgenaome, Groet vaan Gunste, Bevaange vaan charm, Oetstraoler vaan Gelök, Meisteres vaan Beminnelekheid, geleefde, verzachter vaan 't hart vaan de keuning in dit hoes, zach sprekend in alles, meisteres vaan Opper en Lieger Egypte, Groete Keuningsvrow, boe heer vaan hèlt, Vrowwe vaan de Twie Lande, Nefertiti.

Zoewel d'n oorzaak vaan de doed vaan Nefertiti es ouch de plaots en tied zien oonbekind, meh op e gegeve memint weurt zie neet mie in 't openbaar gezeen. Gedach weurt dat zie in 1338 v. Chr. gestorve is, in 't 14e regeringsjaor vaan häöre maan. Es meugeleke oorzake weurt gedach aon ofwel moord of verstoeting, of 'n kraankheid. Volges weer 'n ander tejerie heet zie häöre maan euverleef, is zie hertrowd met 'ne prins oet 'n buurland en heet zie nog einige tied euver Egypte geregeerd.

Beuk um te leze[bewirk | brontekst bewerken]

  • J. Fletcher, Op zoek naar Nefertiti, Vianen - Antwerpen, 2005.
  • Rita E. Freed, Yvonne J. Markowitz, Sue H. D'Auria, Pharaohs of the Sun: Akhenaten – Nefertiti – Tutankhamen (Museum of Fine Arts, 1999)
  • Joyce Tyldesley, Nefertiti: Egypt's Sun Queen (Viking, 1999)

Externe link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Nefertiti&oldid=339176"