Mimar Sinan

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Mimar Sinan of gewoen Sinan, ouch dèks op 't Limbörgs Sinan d'n Architek geneump, officieel Koca Mimar Sinan Ağa (Ağırnas, boe allewijl Kayseri, Centraol-Anatolië, Törkeij ligk, 15 april 1489 of 1490 - Constantinopel, 17 juli 1588 steit neet allein bekind es de bekinste architek vaan 't Ottomaons Riek, meh ouch vaan de ganse Mohammedaonse wereld en Midde-Ooste. Ziene naom sjreef me in 't Arabisch sjrif (want in die tied woort Turks nog neet in 't Latiens alfabèt gesjreve) wie: خواجه معمار سنان آغا.

Typisch veur zie wèrk[bewirk | brontekst bewerken]

Sinan woort hendeg geïnspireerd door de architectuur vaan Europa. Heer voont tot me op 'n aontrèkkeleke meneer de gedachte vaan d'n islam tot 't volk mós bringe, zoewie veural de Roems-Kathelieke Kèrk in 't zuie, weste en toen nog 't noorde vaan Europa dat wie geinen aander kós. Volges Sinan, dee de Koran hiel perceis had bestudeerd, waore de twie groetste kinmerke vaan God groetsheid/prach en keuninklekheid. Dat mós daan ouch in de moskeeë gezeen weure. Allewel zien geboje nog ummertouw hendeg sjoen weure gevoonde door de mieste lui, waor 't in die tied nog specialer. 't Gaans 'modern' concep ('t concep nao Sinan zienen doed) vaan wie 'ne moskee oet moot zien is bij häöm begós. Heer heet 't prototype-moskee zoe gezag oetgevoonde. Sinan woort euveral ingestèld um paleize en moskeeë te bouwe in gans 't Ottomaons Riek, dat in deen tied reikde vaan Griekeland tot aon Palestina. De sultans vaan 't riek wouwe ziech naomelek profilere es de allerhoegste voorste meh wouwe tegeliekertied neet euverkoume es zundegers, ze wouwe gooj Mohammedaone blieve. Sinan bleek veur hun de perfekte middeweeg te vinde: heer leet groetsheid en mach oetstraole, mer tegeliek stoond alle symboliek in zien gebouwe veur islamitische illemènte.

Brón[bewirk | brontekst bewerken]

Es brón woort gebruuk de aoflevering Sinan the Architect, oet de Britse tv-serie Islam and the Ottomans: Empire of the Faith.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Mimar_Sinan&oldid=349585"