Mechele (Antwerpe)

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Kathedraal

Mechele (officieel Mechelen, Frans Malines, Duutsj Mecheln) ies 'n Vlaamse sjtad en gemeinte in de provincie Antwerpe. De sjtad houw op 1 juli 2004 77.193 inweunersj. Mechele liek aan de Dijle. Tot de gemeinte Mechele huère ouch de kerne Heffe, Hombeek, Leest, Muize en Walem.

Sjtadsfuncties[bewirk | brontekst bewerken]

Mechele haet ein oetgebreide industrie, die in de lètste jaore ummer miè nao de boetewieke ies verplaats. Dao ies ein Katholieke Hoagesjoal gevestig. In Mechele resideert de Belzje aartsbissjop (aartsbisdom Mechele-Brussel).

Sjtadsbeeld[bewirk | brontekst bewerken]

Sjtadhoes

't Sjtadsbeeld weurt bepaald door de 98 maeter hoage tore van de Sint-Romboutskathedraal (13e tot 16e ièw). De tore zou oorsjprunkelik 196 maeter hoag were, meh nao 1520 haet me weges geldgebrek neet miè d'raan wiejer geboewd. De kathedraal ies opgetrokke in de sjtiel van de Brabantse gotiek en weurt saer 1999 vermeld op de Waerelderfgoodlies van UNESCO. Aan de Groate Mert liek ouch 't sjtadhoes. In 't Paleis van Margaretha van Oasteriek in Renaissancesjtiel (1515-1517) ies tegewoordig de rechbank gevestig.

Historie[bewirk | brontekst bewerken]

De plaats van 't tegewoordige Mechele waor al in de Gallo-Romeinse tied bewoond. De sjtad woort gekerstend door de heilige Rombout, dae hie ouch e kloaster sjtiechde. In de Mieddelièwe góng 't de sjtad good vanwege de lake-industrie. Ónder de regering van Margaretha van Oasteriek, in de 16e ièw, waor de sjtad korte tied de hoofsjtad van de Nederlande.

In 1835 reej de ièrsjte trein op 't Europese vasteland tösje Mechele en Brussel.

Externe link[bewirk | brontekst bewerken]

Commons
Op de pazjena Category:Mechelen van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Mechele_(Antwerpe)&oldid=338052"