Loppersum

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Loppersum in Groninge

Loppersum (Gronings Loppersom) is e dörp en 'n gemeinte in de Nederlandse provincie Groninge, mèt 'n oppervlak vaan 111,99 km2 (daovaan 0,97 km2 water) en per 1 januari 2007 10.776 inwoeners. Neve de hoofplaots Loppersum kint de gemeinte de kerne Eekwerd, Eekwerderdraai, Eenum, Fraamklap, Garrelsweer, Garsthuizen, Hoeksmeer, Honderd, Huizinge, Kolhol, Leermens, Lutjerijp, Lutjewijdwerd, Merum, Middelstum, Oosterwijtwerd, Startenhuizen, Stedum, Stork (Groninge), Toornwerd, Westeremden, Westerwijtwerd, Wirdum, Wirdumerdraai, 't Zandt, Zeerijp en Zijldijk.

Loppersum is e wierdedörp, dat wèlt zègke gebouwd op 'n pre- of vreughistorische wierde (Gronings veur terp, woenheuvel), boe-op roond 800 de ierste kèrk gebouwd woort. De huidege kèrk is deils romanogotisch, deils laat-gotisch (en veur Groninge mèt zien väöl romaanse dörpskèrkskes neet bezoonder aajd). Binne-in dees kèrk vint me vieftiende- en zestiende-iewse sjèlderinge en 'n örgel oet 1562.

De gemeinte Loppersum oontstoont in häören huidege vörm in 1990 wie de ganse gemeinte Stedum, groete deile vaan de gemeintes Middelstum en 't Zandt en e deil vaan Kantens bij de aw gemeinte Loppersum gevoog woorte. Op 't groondgebeed vaan Loppersum heet me väöl las vaan verzakking door gaaswinning bij Slochteren.

Externe link[bewirk | brontekst bewerken]

Gemeintes Provincie Groninge

Appingedam | Bedum | Bellingwedde | Delfzijl | Eemsmond | Groninge | Grootegast | Haren | Hoogezand-Sappemeer | Leek | Loppersum | De Marne | Marum | Menterwolde | Oldambt | Pekela | Slochteren | Stadskanaal | Ten Boer | Veendam | Vlagtwedde | Winsum | Zuidhorn

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Loppersum&oldid=339970"