Delfzijl

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Locatie vaan Delfzijl

Delfzijl (Gronings Delfsiel) is 'n plaots en gemeinte in noordoos-Groninge. Per 1 juni 2005 heet de plaots 28.213 inwoeners; 't oppervlak bedreug 138,34 km2, daovaan is 4,72 km2 water. E groet deil vaan de oppervlakde weurt oetgemaak door de Eemshave, te noordweste vaan de stadskern.

Delfzijl heet 'n aontal aander kerne en veurmaolege kerne, mies terpdörpkes: Bierum, Biessum, Borgsweer, Farmsum, Godlinze, Holwierde, Krewerd, Losdorp, Nansum, Meedhuizen, Spijk, Termunten, Termunterzijl, Uitwierde, Wagenborgen, Weiwerd, Woldendorp.

Stadsfuncties[bewirk | brontekst bewerken]

Allewel tot 't neet al te groet is nump Delfzijl in dit hiel dunbevolkde gebeed 'n centraal plaots in. Dewijl me wel veur ummer mie veurzieninge in de stad Groninge moot zien, vint me dao nog altied veurtgezat oonderwies en werk, in de te noordweste gelege Eemshave. Dizze have vörmp 'n aonvölling op de groete concurrente Rotterdam, Bremerhaven en Hamburg en profiteert vaan de Eems, 'n Nederduitse revier dee hei in e breid estuarium de Waddezie instruimp. De beteikenis vaan de have is evels achtergebleve en in de stad hierse sjomaasj en emigratie, mèt väöl leegstaonde hoezer es gevolg.

Historie[bewirk | brontekst bewerken]

Delfzijl is vergeleke mèt de meiste andere Groningse plaotse vrij joonk, wat ziech aon de naom liet zien: geine twiestammege, oondoorziechtege naom op -um, meh 'n plaotsumsjrieving: sluus (plaotselek siel) in de Delf d'n awwe naom vaan 't Damsterdiep. In de zestiende iew kaom de plaots op es havestad, en es verdeidegingsbolwerk. In de jaore zesteg begós me Delfzijl te oontwikkele es havestad, meh wie de Eemshave, woeveur o.m. 't dörp Oterdum gesloop mós weure, in 1973 veerdeg waor kós 'r ziech slech oontwikkele door de economische crisis. Tot op d'n daag vaan vandaog is devaan neet gewore wat me verwach had.

In de leste jaore is de gemeinte Delfzijl bekind gewore um oonophawlik gevreigel in de gemeinteraod. In 2000 mós 'ne corrupte wethawwer aoftrejje, in 2003 zelf de börgemeister en 't colleesj vaan B&W, woenao ex-minister Annemarie Jorritsma veur kort es börgemeister geïnstalleerd woort. Häören opvolger woort in e referendum eweggestump, boenao in 2004 M. Appel-de Waard es ieste börger aontrooj.

Externe link[bewirk | brontekst bewerken]

Commons-logo.svg Commons: Category:Delfzijl – Media gerelateerd aan dit óngerwerp
Gemeintes Provincie Groninge

Appingedam | Bedum | Bellingwedde | Delfzijl | Eemsmond | Groninge | Grootegast | Haren | Hoogezand-Sappemeer | Leek | Loppersum | De Marne | Marum | Menterwolde | Oldambt | Pekela | Slochteren | Stadskanaal | Ten Boer | Veendam | Vlagtwedde | Winsum | Zuidhorn

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Delfzijl&oldid=338402"