Jordi Savall
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Jordi Savall (* 1 augustus 1941 in Igualada, Catalonië) is 'ne Sjpaanse muziekwetensjapper en gambist, óp 't vlak van de historische oetveuringspraxis.
Laeve
[bewirk | brón bewèrke]Jordi Savall sjtudeerde an 't Conservatori Superior de Música de Barcelona. E waor 'ne lieërling van Wieland Kuijken óp 't Belsj en vanaaf 1968 van August Wenzinger in Bazel. Zieng interesse vör ow muziek veurde 'm nao Wenzingers Schola Cantorum Basiliensis, oeë in 1974 de leiding övernoom. In dat zelfde jaor sjtichde e Hespèrion XX (noe: Hespèrion XXI), e ensemble, dat zich speciaal an 't repertoire van de ow muziek van 't Iberischen haofeiland wiejt. In 1987 sjtichde e de Capella Reial de Catalunya, die zich gespecialiseerd haat in de interpretatie van middelieëwse geesteleke muziek.
Jordi Savall is saer 1968 getrówd mèt de sopraan Montserrat Figueras. Hön dóchter Arianna Savall en hönne zoon Ferran Savall zeunt ooch professioneel muzikaante. Saer 2009 geft Savall lès es gastdocaent in „Juilliard Historical Performance Program“ van de Juilliard School in New York.
D'r Fraanse film "Tout les matins du monde" (1991) van Alain Corneau (mèt o.m. Gérard en Guillaume Depardieu) över 't laeve van Monsieur de Saint-Colombe makde Savall waeltwied bekaand dör zieng muziek van Marin Marais, Saint-Colombe, François Couperin en Jean-Baptiste Lully.
Oondersjèjjinge en pries
[bewirk | brón bewèrke]- 1992: César vör Bètste filmmuziek mèt Tous les Matins du Monde
- 2002: Iëredoctoraat an de Université catholique de Louvain
- 2006: Iëredoctoraat an de Universitèèt va Barcelona
- 2008: Beneuming töt ambassadeur vör d'r interculturele dialoog vör de Europese Unie
- 2009: Händelpries
