Jordi Savall
Van Wikipedia
Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.
Jordi Savall (* 1. augustus 1941 in Igualada, Catalonië) is 'ne Sjpaanse muziekwetensjapper en gambist, óp 't vlak van de historische oetveuringspraxis.
[bewirk] Laeve
Jordi Savall sjtudeerde an 't Conservatori Superior de Música de Barcelona. E waor 'ne lieërling van Wieland Kuijken óp 't Belsj en vanaaf 1968 van August Wenzinger in Bazel. Sieng interesse vör ow muziek veurde 'm nao Wenzingers Schola Cantorum Basiliensis, oeé in 1974 de leiding övernoom. In dat zelfde jaor sjtichde e Hespèrion XX (noe: Hespèrion XXI), e Ensemble, dat zich speciaal an de 't repertoire van de ow muziek van 't iberischen haofeiland wiejt. In 1987 sjtichde e de Capella Reial de Catalunya, die zich gespecialiseerd haat in de interpretatie van middelieëwse geestelek muziek.
Jordi Savall is saer 1968 getrówd mèt de sopraan Montserrat Figueras. Hön dóchter Arianna Savall en hönne zoon Ferran Savall zeunt ooch professioneel muzikaante. Saer 2009 geft Savall lès es gastdocaent in „Juilliard Historical Performance Program“ van de Juilliard School in New York.
D'r Fraanse film "Tout les matins du monde" (1991) van Alain Corneau (mèt o.m. Gérard en Guillaume Depardieu) över 't laeve van Monsieur de Saint-Colombe makde Savall waeltwied bekaand dör zieng muziek van Marin Marais, Saint-Colombe, François Couperin en Jean-Baptiste Lully.
