IOMTBM
Van Wikipedia
Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.
IOMTBM (Internationaal Organisaasje ter besjerming van Minderheidstale en Bedreigde Minderhede / AIDLCM / International Association for The Defence of Threatened Languages and Cultures) is väörtkaome oet 'ne groep va 'n 50-tal professore oet Ieslaand, Denemarke, Noorwege en Finlaand die oonder leiding van Pierre Naërt in 1950 'n documaent opsjtilde uvver bedreigde tale en culture en dat uvvermakde nao de UNESCO.
[bewirk] Historie
In 1964 waoërt in Toulouse de IOMTBM opgerich, ing van de veer Neet Goevernementeel Organisaties (naeëve de FUEN,MRG, EBLUL) die dör d'r Raod van Europa aanzieë werre es organisaties mit 'n belangrieke expertise op 't terrein van de besjerming van nationaal minderhede. Versjillende leng, oeëoonder Italië en Sjpanje, lieëverde al väörzitters. Op 't momaent (2006) is Paul Lefin d'r väörzitter. Paul Lefin sjtong in 1990 aan de weeg van de erkenning van de binnenlandse regionaal tale in Wallonië. In augustus 2008 vindt 't congres plaatsj in Luuk.
[bewirk] Resolutie m.b.t. Belsj en de Voerkwestie
De IOMTBM sjtimde op 18/19 november 2006 in Marseille versjillende resoluties betreffende regionaal tale in Fraankriek, Italië, Sjpanje (Catalaans, Asturiaans), Oosteriek (Sloveens) en wat vör Belsj en Voere aa-geet de volgende:
De IOMTBM:
- haat kennisgenaome van de gemingderaodsverkiezinge va 8 oktober 2006 in Belsj;
- vindt dat de resultate van de sjtimmeriej 'n evolutie van de taalgemeensjappe te kinne gaeve in 'n taalgeveulige zone an de taalgrens;
- vrugt dat alle pro-actieve maatregele ter besjerming va minderheedstale toegepas werre;
- acht 't weunsjelek dat Belsj de Verdrage van d'r Raod van Europa, mit name 't Kaderverdrag inzake de bescherming van nationale minderheden en 't Europees Handvest voor regionale talen en talen van minderheden ratificeert resp. tekent en ratificeert en 'n ing makt an de discriminatie en administratief paesterieje die in 't bezoonder opgelag werre an de Franstalige va Voere.
De Nederlands-Limburgse media haant över die, mae ooch över aander resoluties van d'r Raod van Europa, neet wille berichte.
