Harry Brüll

Van Wikipedia
Gank nao: navigatie, zeuke
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Kirchröadsj, as te dit dialek sjpriks.

Harry Brüll (12 april 1935) is 'ne veurmalige Nederlandse voetballer.

Brüll debuteerde es semiprof in de Nederlandse Eëredeviezie veur Rapid JC oet Kirchroa. In 1962, nao degradatie van Rapid JC, zouw hae de euversjtap make nao 't Mesjtreechse MVV en later woort hae ingelief door de derde Zuid-Limburgse club, Fortuna '54 oet Gelaen. Mèt Fortuna zouw hae in 't sezoen 1963-1964 de KNVB-baeker verovere. Es eëredevieziesjpeler maakde hae vief gole.

Op 13 juni 1959 debuteerde hae es sjpeler van Rapid JC es rechsback ónger Elek Schwartz, toentertied de bóndjscoach van Oranje, in 't Nederlands èlftal in eine vrundjsjappelikke, mèt 3-2 verlaore, wedsjtried in en taenge Bulgarije. Op 21 oktober 1959 sjpeelde hae, nao ein invalbeurt, ziene tweëde interlandj in eine vrundjsjappelikke wedsjtried taenge Wes-Duutsjlandj (7-0 verlees). 't Zouw biej dees tweë optraejes blieve.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Harry_Brüll&oldid=349248"