Fons Rademakers

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Fons Rademakers, Nederlandse regisseur van films, ies in Roosendaal gebore op 5 september 1920 en gesjtorve in Génève op 22 februari 2007.
Rademakers ies begoes bie 't toneel. In 1941 sjtudeert 'r aaf aan de Amsterdamse toneelsjoal. Metein begint 'r te wèrke bie 't Nederlands toneel en de Nederlandse comedie.
Geïnspireerd door de Italiaanse en Franse cinema geit 'r in de jaore 50 euver op film. In 1955 vertrèk 'r nao Roame (Italië) um stage te loupe bie de Italiaanse regisseur Vittorio de Sica. Dao lièrt 'r ouch zien vrouw Lili Veenman kènne, die regie-assistente zou were. Fons Rademakers woonde mèt zien vrouw in Roame.

Films[bewirk | brontekst bewerken]

In 1958 haet 'r zien debuut mèt de film Dorp aan de rivier, nao 't book van Anton Coolen. Veur deze film löp 'r sjuus 'ne Oscar mis.
Bekans 30 jaor later, in 1986, lök 't 'm um mèt De Aanslag, nao 'n verhaol van 't gelieknamig book van Harry Mulisch, deze trofee te verdene.
Tösjedoor, in 1960, maak 'r Makkers staakt uw wild geraas, woa hae de Zilvere baer veur kriet op 't filmfestival in Berlien.

Rademakers wèrkde gaer nao verhaole van groate sjrieversj oet de Nederlandse literatuur.
In 1963 resulteerde dat in de film Als twee druppels water, de filmversie van De donkere kamer van Damocles van Willem Frederik Hermans.
De film Myra mèt in de hoofrol Willeke van Ammelrooy geit truuk op 't book van Stijn Streuvels.
In 1976 verfilmp 'r de Max Havelaar van Multatuli.

De film Mijn vriend, oetgebrach in 1960, woort 'n flop.
Ouch ziene lètste film, The Rose Garden oet 1989 houw wiènig succes.

In 1998 kreeg 'r de twièjaorlikse Bert Haanstra oeuvrepries.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Fons_Rademakers&oldid=349130"