Multatuli

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Eduard Douwes Dekker

Multatuli (Amsterdam, 2 maart 1820Nieder-Ingelheim, 19 februari 1887) waor 'ne Nederlandse sjriever en vriemetselaer. Multatuli is 'ne pseudoniem va Eduard Douwes Dekker

Eduard Douwes Dekker wèrkde es ambtenaar in Nederlands-Indië ('t Indonesië va huutsedaag), oeë, wie-e dao op 19-jaorège leeftied aankieëm, nao èège zègke z'n 'zieël wakker waoërd', mae oeë-e ooch de väöle wantoesjtande zoog oonder verantwoordelèkhèèd van 't Hollendsje koloniale bewind. Z'n bekaandste waerk is d'r Max Havelaar, oeëin-e de behandeling van de plaatsjelèke bevolking däör Nederlandse en Nederlands-Indische besjtuurders an de kaak sjtèlde. 't Pseudoniem Multatuli is Latien väör 'Ich han väöl (lèèd) gedrage' (multa tuli) en is 'n verwiezing nao 'n beroemde passage oet de Tristia van Ovidius.

In 1882 noom Michel Perelaer 't es èn van de örsjte óp vör Multatuli in 't pamflet Nogmaals Bantam en Max Havelaar.

Multatuli sjtorf in Nieder-Ingelheim in Duutsjland. E waor d'r örsjte Nederlander dae zich loot cremere. De urn wert bewaard in 't Multatuli-Museum.

In juni 2002 waoërt d'r Max Havelaar dör de Maatschappij der Nederlandse Letterkunde oetgerope töt 't belangriekste Nederlandstalèg lètterkundèg waerk aller tieje.

't Multatuligenootschap sjtèlt zich ten doel de kènnis va Multatuli te bevordere en z'n blievend belang te ondersjtriepe. 't Beheert 't Multatuli-Museum, dat gevestigd is in 't gebaoërtehoes van d'r sjriever.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Multatuli&oldid=349587"