Duutsje Orde

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Tannhäuser in de klèjjaasj van de Duutsje Orde in d'r Codex Manesse
Bezitting van de Duutsje Orde in Oost-Europa

De Duutsje Orde of de Teutoonse Orde is 'n gèseleke ridderorde die in 1189 oontsjtande is. De oorsjpronkeleke doelstèlling waor 't verzörge en verplege van gewonde kruusvaarders dör monnike tiedens de kruustóchte. An 't hoofd van de orde sjtóng 'ne groeëtmèèster en de kesjtieële van de Duutsje Orde neumt me 'n commanderiej. Later verenderde 't doel en daomèt ooch 't wèrk van de gèseleke ridders. De Orde veroverde in dae tied väöl bezittinge in Oost-Europa, m.n. in Oostpruses 't toenmalig centrum van de Baltische Sjtaote.

De commanderiej va S'n Pieëter kieëm in 1251 in 't bezit van de Duutsj Orde wie Daniël va Voere 't kesjtieël an de orde sjoonk en èges töt de orde toetrooj. Bies doe how S'n Pieëter bie 't Graafsjap Dalhem behoeërd. Alden Biesen, bie Bilze waor 'n laandscommanderiej. Nuuj Bieze in Mestreech - noe rest daovan nog 'ne sjtraotnaam - en daoväör de Klèng Bieze in Zittert-Gelaen waore 'n commanderiej die, zjuus wie die van S'n Pieëter, oondergesjikd waor an de laandscommanderiej Alden Biezen.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Duutsje_Orde&oldid=344920"