Ceres (dwergplaneet)

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ceres Ceres symbol.svg
Ceres optimized.jpg
Baonkarakteristieke
Baontype Hoofrink
Have groete as 2,767 AE
Periheliumaofstand 2,546 AE
Apheliumaofstand 2,988 AE
Periode 4,60 jaor
Glooiingshook 10,581°
Excentriciteit 0,080
Fysische karakteristieke
Equatoriaal straol 487.3 ± 1.8 km[1]
Polaire straol 454.7 ± 1.6 km[1]
Massa 9,445×1020 kg
Deechte 2,05 g/cm³
Rotatieperiode 0,3381 daog
Spectraalklasse G
Abs. magnitude 3,34
Albedo 0,113
Gesjiedenis
Oontdèkker Giuseppe Piazzi, 1801

(1) Ceres is 'n dwergplaneet in de ierste planetoïdegordel tösse Mars en Jupiter. Ietot de definitie vaan planete veranderde op 24 augustus 2006 waor Ceres de groetste (neet de helderste) planetoïde in 't Zonnestèlsel. 't Waor de ierste planetoïde die ontdèk is (in 1801 door Giuseppe Piazzi); ze heet daorum catalogusnommer 1 gekrege: (1) Ceres.

Naomgeving[bewirk | brontekst bewerken]

Dit hiemelliechaam is geneump nao Ceres, de godin vaan de landbouw in de Romeinse mythologie.

Umsjrieving[bewirk | brontekst bewerken]

D'n umvaank vaan Ceres is langen tied onzeker gewees. In de literatuur weure oetereinloupende weerdes aongetroffe. Volgens recente inziechte is Ceres 'ne liech aofgeplatte bol mèt 'n aofmeting vaan 930 × 970 km en 'n massa vaan ruim 1% vaan die vaan de maon. Ceres beweug ziech in 'n baon um de zon op 'nen aofstand vaan oongeveer 410 mieljoen km.

Op basis vaan woerneuminge mèt de Hubble-ruimtetelescoop weurt gedach tot Ceres 'ne krater heet mèt 'ne diameter vaan oongeveer 250 km. Oet de gering soorteleke diechheid kin weure geconcludeerd tot Ceres veur ruim 20 massa-percint oet wateries besteit. Mèt de Herschel-ruimtetelescoop kós dit intösse weure bevesteg: dit tuig tuinde de presintie vaan waterdaamp roond de planeet aon. Aongenome weurt tot roond 't Cererisch perihelium (es de dwergplaneet rillatief kort bij de Zon steit) 't ies door de wermde gedeiltelek verdaamp. Dit gief Ceres, wie rudimentair ouch, 'nen atmosfeer.[2]

Op dit memint (jannewarie 2014) is de Amerikaanse Dawn-ruimdesonde op weeg nao Ceres. De robot geit dao oonder mie 't oppervlaak en de samestèlling vaan de dwergplaneet oonderzeuke. Ieder heet Dawn al Vesta bezoch.

Zuug ouch[bewirk | brontekst bewerken]

Referenties[bewirk | brontekst bewerken]

  1. 1,0 1,1 Thomas, P.C. et al. (2005), Differentiation of the asteroid Ceres as revealed by its shape. Nature 437, p. 224-226. [1] ((en))
  2. De Standaard online - Europese telescoop ontdekt water(damp) op dwergplaneet Ceres
't Zonnestèlsel
De zon Mercurius Venus De Maon Aerd Mars Phobos en Deimos Ceres De asteroïdegordel Jupiter Natuurlike satelliete van Jupiter Saturnus Natuurlike satelliete van Saturnus Uranus Natuurlike satelliete vaan Uranus Neptunus Natuurlike satelliete van Neptunus Pluto Charon, Nix en Hydra Haumea Natuurlike satelliete van Haumea Makemake De Kuipergordel Eris Dysnomia De scattered disc objekte De Hillswolk De OortwolkSolar System Template.png
De Zon · Mercurius · Venus · Aerd · Mars · Ceres · Jupiter · Saturnus · Uranus · Neptunus · Pluto · Haumea · Makemake · Eris
Planete · Dwergplanete · Maone: Aerds · Martiaans · Joviaans · Saturniaans · Uraniaans · Neptuniaans · Plutoniaans · Haumeaans · Eridiaans
Klein lichame:   Meteoroïde · Asteroïde/Asteroïde maone (Asteroïdegordel) · Centaure · TNO's (Kuipergordel/Scattered disc) · Komete (Hillswolk · Oortwolk)

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Ceres_(dwergplaneet)&oldid=352543"