Vesta (planetoïde)
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Vesta, officieel 4 Vesta geheite, is 'n asteroïde, ouch wel planetoïde geneump in eus zonnestèlsel. 't Is de op 2 nao groetste planetoïde, nao Ceres en 2 Pallas in de planetoïdegordel tösse Mars en Jupiter. Qua massa is 't evels de 2e in rij, nao 1 Ceres. De doorsnei is gemiddeld 529 km.
Vesta is oontdèk op 29 miert 1807 door d'n Duitse astronoom Heinrich Wilhelm Olbers, en ze is door de wiskundige Carl Friedrich Gauss verneump nao Vesta, de Romeinse godin vaan hoes en haard.
Door häör hoeg albedo ('t weerkaatsingsvermoge), is ze de einege planetoïde die, oonder gunsteg umstandeghede, mèt 't bloete oug ziechbaar is. Um mier te weite te koume euver Vesta is de Dawn ruimtesonde de nao touw gesjik. Dawn kaom in 'n baon um Vesta op 16 juni 2011 en zal dao 'n jaor laank blieve. Daonao zal Dawn nao Ceres weure gesjik, boe ze in 2015 zouw mote aonkoume.
