Bourgondiërs

Van Wikipedia

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.

De Bourgondiërs waore 'ne Oost-Germaanse sjtam dae oorsjpronkelek in Scandinavië laefde. In d'r örsjte ieëw waor Pole hön laefgebied en in d'r driejde ieëw bereikde ze d'r Rien. Nao de volksverhuzing vanaaf d'r viefde ieëw vestigde ze zich an de Rhône in 't gebied dat later Bourgondië geneumd zow waeëre. Vanaaf d'r zaeëvende ieëw werre ze opgenaome in 't Frankeriek.

De taal van Bourgondiërs behoert töt 't Oost-Germaans, 'ne tak van de Germaanse tale dae is oetgesjtorve. In 't Bourgondisch is ooch niks op sjrif behaowe. Wulfila, 'ne Oost-Gotische bisjop, sjreef evvel waal in 'n Oost-Germaanse taal. Bekaand is d'r Codex Argenteus, 'n biebelvertaling van z'n haand. 't Nibelungenlied gèèt över Bourgondiërs.