Boksmaer

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Bóksmaer
Gewaeze gemeinte in Nederlandj

Veendel vaan Bóksmaer

Waope vaan Bóksmaer

Ligking vaan Bóksmaer in Naord-Brabant

Gevörmp 1998
Opgehaeve 2022
Opgegange in Land van Kuuk
Provincie Noord-Brabant
Hoofplaats Boxmeer
Opperflaakde (bie opluffing) 113,84 km²
– daovan water: 2,40 km²
Inwoeners (kort veur opluffing) 29.599 (jannewarie 2021)
deechde: 260/km²
Lies van börgemeisters

Boksmaer (Nederlands: Boxmeer, Kleverlands: Boksmèr) is e dörp en 'n geweze gemeinte in de Nederlandse provincie Noord-Braobant, in 't Land vaan Kuuk. De gemeinte had op 1 januari 2021 29.599 lui (260 inw/km²) en 't dörp Boksmaer heet op diezèlfde datum oongeveer 12.300 lui. Neve 't dörp Boksmaer umvatde de gemeinte ouch de kerne Bäöge (Beugen), Groeninge (Groeningen), Holthaes (Holthees), Maashaes (Maashees), Oefelt (Oeffelt), Loën (Overloon), Riekevort (Rijkevoort), Sambaek (Sambeek), Vierlingsbaek (Vierlingsbeek) en Vortum-Mullem. Besjèrmheilege vaan Boksmaer is Sint-Pieter.

Op 1 jannewarie 2022 fuseerde de gemeinte mèt Grave, Kuuk, Mill en Sint Hubert en Sintunnis tot de nui gemeinte Land vaan Kuuk.

Väöl vaan de dörper ligke aon de Maos, dee 't landsjap wiedgaond vörmgief. Zoe ligk dao 't natuurgebeed Maashegge. In 't dörp ligke oonder mie twie kloesters en de restante vaan 'n in 1806 aofgebroke kestiel. De aw dörpskèrk woort in 1944 bij de Bevrijing door de Geallieerde verweus en daonao neet mie opgebouwd. E paar stökker vaan 't interieur zien euvergebrach in de nui kèrk.

In Boksmaer vint eder jaor 'n Heilegbloodpercessie plaots. Mèt vastelaovend hèlt me dao de "metweursrenne". Einen daag nao de Tour de France weurt dao de fietsrenrunde "Daags na de Tour" gehawwe.

In 1942 woort de gemeinte Sambaek aon Boksmaer touwgeveug. In 1994 volgde Oefelt en Riekevort, in 1998 teslotte bereikde de gemeinte mèt de touwveuging vaan Vierlingsbaek ziene groetsten umvaank.

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Boksmaer&oldid=453272"