Kuuk

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Kuuk in Noord-Braobant

Kuuk (officieel Cuijk) is e dörp en 'n gemeinte in de Nederlandse provincie Noord-Braobant, in 't zoegenaomp Land vaan Kuuk, in 'ne boch vaan de Maos, mèt 'n oppervlak vaan 57,00 km2 (daovaan 4,50 km2 water) en (op 1 januari 2006) 24.252 inwoeners. Kerne zien Beers, Kuuk, Haps, Katwiek (Katwijk), Linde (Linden), St. Agatha en Viane (Vianen). Besjèrmheilege vaan Kuuk is Sinte-Maarten.

Kuuk is allewijl 'n industriegemeinte, en is in die kwaliteit nao d'n Twieden Wereldoorlog pas oontwikkeld. Dao is veurnaomelek voodselindustrie; daoneve kint de gemeinte oonder mie 'n diamantslieperij.

Bezeensweerdeg is de Sint-Maartenskèrk, mèt vieftiende-iewsen torie en neo-gotisch kèrkgebouw, en twie bezoonder meules. 't Museum Ceuclum herberg aw archeologische reste.

Historie[bewirk | brontekst bewerken]

De naom Kuuk is trök te leie op 't Keltisch Keukja, "krómming, boch" (nl. in de Maos). In de Roemeinsen tied hètde de plaots, die toen aon de heerweeg Nimwege-Tóngere laog, Ceuclum, in de Germaansen tied woort dat Cuuc. Oet de Keltischen tied stamme vonste wie graafheuvele. De Roemeine sloge 'n brögk euver de Maos, boevaan in 't Museum Ceuclum de reste tentoengestèld weure. Gedorende de Middeliewe waor Kuuk e regionaol centrum, en 't midde vaan de hierlekheid Land vaan Kuuk. Dit vint me nog trök in de taol vaan dees streek: die heet aon de leste Braobantse klaankveranderinge neet mètgedoon en liekent väöl op beveurbeeld 't Venrojs of 't Genneps. In 1559 kaom dees hierlekheid aon 't hoes vaan Oranje-Nassau, zoetot keuningin Beatrix vaandaog d'n daag Vrouw vaan Kuuk is. De gemeinte Kuuk hètde tot 1994 Cuijk en Sint-Agatha; in dat jaor woorte de gemeintes Haps en Beers bij Kuuk geveug. Al ieder in 1942 waor 't dörp Linde bij de gemeinte Beers gekómme.

Externe link[bewirk | brontekst bewerken]

Provincie Noord-Braobantj, Nederlandj

Aalburg | Alphen-Chaam | Aste | Baarle-Nassau | Bergeijk | Bergen op Zoom | Bernheze | Best | Bladel | Boekel | Boksmaer | Den Bosch | Boxtel | Breda | Deurne | Dongen | Drimmelen | Eersel | Eindhove | Etten-Leur | Geertruidenberg | Geldrop-Mierlo | Gemert-Bakel | Gilze en Rijen | Goirle | Grave | Haaren | Halderberge | Heeze-Leende | Helmond | Heusden | Hilvarenbeek | Kranedonk | Kuuk | Laarbeek | Landerd | Loon op Zand | Maasdonk | Mill en Sint Hubert | Moerdijk | Nuenen, Gerwen en Nederwetten | Oirschot | Oisterwijk | Oosterhout | Oss | Reusel-De Mierden | Roosendaal | Rucphen | Schijndel | Sint-Michielsgestel | Sint-Oedenrode | Sintunnis | Son en Breugel | Steenbergen | Tilburg | Uden | Valkeswaerd | Veghel | Veldhoven | Vught | Waalre | Waalwijk | Werkendam | Woensdrecht | Woudrichem | Zomere | Zundert

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kuuk&oldid=343826"