Boeing 777

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


De Boeing 777-200

De Boeing 777, ouch waal Triple Seven genoemd, ein van de nuujste vleegtuug van Boeing. ‘t Is eine tweemotorige widebody dae gesjiktj is veur (heel)lang vluchte. ‘t Vleegtuug is ontwikkeldj om de greuj van ’t aantal passageers op te vange. De Boeing 767 is dao te klein veur. Daonaeve is ‘t ouch eine concurrent van de Europese Airbus A330 en A340.

Gesjiedenis[bewirk | brontekst bewerken]

Boeing stardje mit ‘t ontwikkele in december 1989. Naodet United Airlines in oktober 1990 eine order goof veur ‘t vleegtuug, besjloot Boeing door te gaon mit ‘t project. D’r waerdje diverse overeinkomste geteikendj mit leveranceers van ongerdeile. Zo waerdje de Japanse bedrieve Mitsubishi, Kawasaki en Fuji verantjwoordelik veur ’t boewe van 20% van de ongerdeile. Op 9 april 1994 leet Boeing de 777-200 aan ‘t publiek zeen, wonao ze op 12 juni 1994 de eerste vluch maakdje. In mei 1995 waerdje de eerste B777-200 aan United geleverdj.

Anger versies[bewirk | brontekst bewerken]

Boeing ontwikkeldje ouch sjnel ein verlengde versie (de Boeing 777-300) die op 16 oktober 1997 de eerste vluch maakdje en op 22 mei 1998 aan Cathay Pacific waerdje geleverdj. Van allebei de versies zeen versies ontwikkeldj mit ein groter vleegbereik. Zo kwaam de B777-200ER in november 2000 besjikbaar en de B777-200LR in meert 2005. De B777-300ER in december 2002 en in 2005 de B777-300LR. De B777-200’s mooge maximaal 350 passageers verveure en de B777-300’s maximaal 400. Dit is aeveväöl es eine B747-200 wodoor väöl maatschappieje häör aaj vleegtuuge vervange door deze vleeger. Daonaeve is de Triple Seven sjtiller en zuniger es de Boeing 747.

Technische gegaeves Boeing 777-200[bewirk | brontekst bewerken]

Lengte 63,73 m.
Breidte 60,93 m.
Heugte 18,51 m.
Kruutssjnelheid Mach 0.84
Vleegbereik 7000 - 14.000 km.

Technische gegaeves Boeing 777-300[bewirk | brontekst bewerken]

Lengte 73,86 m.
Breidte 60,93 m.
Heugte 18,49 m.
Kruutssjnelheid Mach 0.84
Vleegbereik 6950 - 10.800 km.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Boeing_777&oldid=340764"