Boeing 747

Van Wikipedia

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


De Jumbo-jet of Boeing 747

De Boeing 747-200[bewirk | brón bewèrke]

Martinair Cargo Boeing 747-200

De Boeing 747-200 is eine veermotorige widebody dae oet de B747-100 waerdje ontwikkeldj. D’r waerdje neet väöl B747-100’s geboewdj en daorom sjakeldje Boeing sjnel euver op dit type. De -200 versjiltj van häöre veurgenger door de langere romp, ‘t hogere sjtartgewich en nuuj motors die ‘t vleegbereik vergrote.

Gesjiedenis[bewirk | brón bewèrke]

De eerste vluch waas in oktober 1970 en waerdje sjnel aafgeleverdj aan de eerste klantj. Dit waas de Nederlandse KLM. De produksie sjtopdje in 1991 en waerdje opgevolg door de verbaeterde B747-300. D’r ware inmiddels ruum 500 vleegtuuge oet de fabriek geroldj (wovan ‘t grootste deil de B747-200), een groter succes den ooit waas gedach. Door de hoog brandjsjtofkoste haolde väöl maatschappieje häör vleegtuuge oet deens en leete dees vervange door de B747-300. D’r waerdje heel väöl Boeings 747-200 omgeboewdj toet vrachvleegtuug.

Technische gegaeves Boeing 747-200[bewirk | brón bewèrke]

Lengte: 70,65 m.
Breidte: 59,65 m.
Heugte: 19,35 m.
Kruutssjnelheid: 940 km/u
Vleegbereik: 10.500 km.

De Boeing 747-300[bewirk | brón bewèrke]

Surinaamse Luchvaart Maatschappij Boeing 747-300

De B747-300 is ein vergreute versie van de B747-200. ‘t Baovedek is ruum zeve meter langer es biej de B747-200. De eerste vluch vonj plaats op 5 oktober 1982 en vief maondj later waerdje ‘t eerste vleegtuug aafgeleverdj aan ‘t inmiddels failliete Swissair oet Zjwitserlandj. Dit type weurdj noe nog väöl gebroektj es passageers- en vrachvleegtuug. Ouch dees versie weurdj taegewoordig väöl omgeboewd nao vrachvleegtuug. Maatschappieje die mit de passageersversie vleege vervange dees meistal door de A340 of de Boeing 777.

Technische gegaeves Boeing 747-300[bewirk | brón bewèrke]

Lengte: 70,65 m.
Breidte: 59,65 m.
Heugte: 19,35 m.
Kruutssjnelheid: 970 km/u
Vleegbereik: 11.300 - 12.400 km

De Boeing 747-400[bewirk | brón bewèrke]

KLM Boeing 747-400

In juli 1985 waerdje begos aan’ne ontwikkeling van ein verbaeterdje versie van de B747-300. ‘t Vleegtuug kreeg de naam B747-400 en maakdje op 29 april 1988 de eerste vluch. Op 9 januari 1989 kreeg de eerste klantj, ‘t Amerikaanse Northwest Airlines, de eerste. Zie zatte ‘t vleegtuug in op’pe vluchte nao Azië. ‘t Vleegtuug waas in väöl opzichte verbaeterdj. Neet allein qua prestaties, mer ouch qua inrichting. ‘t Vleegtuug haaj ein nog meer verlengdj baovedek en ein versjterktj landingsgesjtel. Daonaeve kreeg het vleegtuug ein modern cockpit wo alle maeters en sjakelaers ware omgezatj nao zés LCD-sjerme. Verder kreeg de B747-400 winglets, wo aan dit vleegtuug dudelik is te herkinne. Door nuuj materiale te gebroeke die lichter ware, nuuj motors te montere en eine extra brandjsjtoftank in te boewe waerdje ‘t vleegbereik mit ein paar honderd kilomaeters verheugdj.

Anger versies[bewirk | brón bewèrke]

Naeve de sjtandaardversie, waerdje d’r ouch nog ein combiversie ontwikkeldj die de benaming B747-400M kreeg. Hie kinne zowaal passageers es vrach waere verveurdj. De eerste Combi maakdje häör maiden flight op 1 september 1989 en in 1990 waerdje deze aan’ne KLM geleverdj. Naeve de Combi waerdje d’r nog ein vrachversie (de B747-400F) ontwikkeldj. Dit vleegtuug waerdje es eerste aan Air France geleverdj.

Technische gegaeves Boeing 747-400[bewirk | brón bewèrke]

Lengte: 70,67 m.
Breidte: 64,44 m.
Heugte: 19,41 m.
Kruutssjnelheid: 976 km/u
Vleegbereik: 11.500 - 13.600 km.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Boeing_747&oldid=369726"