Bernardinuscollege
Dit artikel is gesjreve in 'n ónbekènd dialek. Es doe wèts wat veur dialek dit is, weurt 't gewaardeerd óm dit aan te gaeve.
't Bernardinuscollege is 'n katholieke sjolegemeinsjap väör middelbaar ongerwies in Heële. 't Bernardinuscollege maaktj deil oet van de "Stichting Voortgezet Onderwijs Parkstad Limburg", toet 1 november 2007 "Onderwijsstichting Sint-Bernardinus".
Gesjiedenis
[bewirk | brón bewèrke]Door de opkommende mienboew aan 't begin van de twintjigste eeuw ontsjtong in Hëele behoofte aan middelbaar ongerwies. In 1911 begoste Fransiscaner paters 't "Sint-Bernardinus, R.K. Hoogere Burgerschool (H.B.S.) met 'n 3-jarige cursus". In september 1913 kome de eesjte leerlinge oppe sjool. Bernardinus breidde in 1918 oet mit ein middelbaar hanjelssjool en in 1919 woort de 3-jäörige HBS omgezatj in 'n viefjäörige. In 1930 woort aan Bernardinus e gymnasium toegeveugdj. Vanaaf 1970 koom "St." väör de naam te vervalle en woort de naam veranjerd in "Bernardinuscollege". Bernardinus haet nog ummer 'n kepél en 'n auditorium wo vreuger 'n kirk waas.
De sjool dreugtj de naam van de Franciscaanse heilige Bernardinus van Siena (1380-1444).
't College hiltj eeder jaor 'ne Franciscusdaag, in de traditie van de Franciscane die de sjool höbbe opgerich.
Jaorliks wurt väör leerlinge en aod-leerlinge de Bernardinusmars georganiseerd, een nachtelike wanjeling van 60 kilomaeter.