Annemiek Derckx

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Annemiek Derckx (Beegde, 12 april 1954) is 'n veurmalige Nederlands Limburgse kanovaarster.

Op jónge laeftied deeg ze aan zjwömme, waterpolo en handjbal. Zoa woort ze twèlfde bie de Nederlandse jeugkampioensjappe zjwömme. Op 14-jaorige laeftied kaom ze in kóntak mèt 't kanovare. Al sjnèl bleek ze talentj te höbbe en wón ze meërdere nasjenale titels.

Zie deeg tweëmaol mèt aan de Olympische Zomersjpele, in 1984 en 1988. Allebei de keëre behaolde ze ein bronze medaje, in 1984 in de K-1 500m kajak en in 1988, same mèt Annemarie Cox, in de K-2 500m kajak klasse.

Derckx wón ouch tweë medajes in de K-2 500 m bie 't Waereldkampioensjap, 'n zilvere in 1987 en 'n bronze in 1985, allebei de keëre weer met Annemarie Cox.

Later woort ze sjportleërares en bewaegingstherapeute. Derckx waas lid van de Remunjse Watersjport Vereiniging Nautilus.

Palmarès[bewirk | brontekst bewerken]

K-1 500m kajak[bewirk | brontekst bewerken]

  • 1984: brons op de Olympische Sjpele - 2:00.11

K-2 500m kajak[bewirk | brontekst bewerken]

  • 1985: brons bie 't WK
  • 1987: zilver bie 't WK
  • 1988: brons Olympische Sjpele - 1:46.00

Bron[bewirk | brontekst bewerken]

De top 500: "De beste Nederlandse sporters van de eeuw" door A. Witkamp en L. van de Ruit. 1999. ISBN 90-76574-04-9

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Annemiek_Derckx&oldid=348947"