Amstelveen
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Amstelveen is 'n stad en gemeinte in de Nederlandse provincie Noord-Holland, ten zuie vaan Amsterdam, bij d'n Amstel. De gemeinte had op 1 juni 2005 78.804 inwoeners en besleit 'n oppervlak vaan 42,38 km², woevaan 2,13 km² water is. Neve de stad Amstelveen heet de gemeinte de kèrne Bovenkerk, Nes aan de Amstel en Ouderkerk aan de Amstel (te deil). Amstelveen is 'n typische veurstad, mèt laog misdaodciefers en rillatief väöl hoeger inkoumes.
Inhawd |
[bewirk] Stadsfuncties
Amstelveen heet ziech nao d'n Twieden Wereldoorlog in d'n ierste plaots oontwikkeld es (forenze-)slaopstad en is dat nog ummer: väöl vaan de inwoeners wèrke op Sjiphol of in Amsterdam. De leste jaore heet me dao, mèt 't ouch op 'n opgreujende generatie, ouch in de gemeinte zelf werkgelegeheid wèlle creëre; mèt maoteg succes, al heet wel de KLM hei häör hoofkentoer. 'n Veurnaom recreatieveurziening is 't Wegenerstadion, wat veur hockeywedstrije gebruuk weurt.
Amstelveen is neet per spoor meh wel euver d'n otosnelweeg te berieke, en wel via de A9. Ouch rije trems oet Amsterdam tot in de stad.
Volgens 'n oonderzeuk gedoon door Nyfer in 2003 is Amstelveen de meis leefbaar stad vaan Nederland.
[bewirk] Stadsgeziech
Amstelveen heet e klein dörpscentrum, wat allewijl vaan weineg belang is. Me heet 't centrum vaan de stad wèlle lègke in e nuibouwgebeed, Stadshart geneump. Hei vint me o.m. 't raodhoes en väöl winkels. Mèt gemaoteg veuroetstrevende arsjitekstuur heet me de allure vaan dees stadswiek umhoeg wèlle haole.
Te weste vaan Amstelveen ligk de Amsterdamse Bos, dee gedeiltelek bij de gemeinte Amstelveen huurt. In 't ooste vint me ouch landeleke polders.
[bewirk] Historie
Amstelveen is in de Middeliewe gestiech door törfstekers die aon de kant vaan o.m. 't Haarlemmermier en 't Spierinkmier törf staoke. Allewel tot die bezegheid later verboje woort in verbaand mèt de oververdeideging bleef 't dörp bestoon. In d'n tied vaan de Nederlandse Rippebliek kaom 't dörp in trèk bij rieke Amsterdammers die ziech dao in alle rös wouwe vestege. Daodoor kraog 't dörp al 't karakter vaan elitaire veurplaots, wie Wassenaer veur D'n Haog en Vlaardinge veur Rotterdam.
In 1896 woort de grèns tösse Amsterdam en Amstelveen verlag vaan de Boetesingelgrach nao de huidege Kalfjeslaan. 't Museumplein heet daodoor nog tijelek binne de grènze vaan Nieuwer-Amstel, wie de gemeinte toen nog hètde, gelege. In 1964 veranderde dee naom nao Amstelveen. Nao d'n oorlog woort Amstelveen mier es oets 'n euverloupgemeinte, veurnaomelek veur de middelklasse.
[bewirk] Trivia
- Amstelveen is de gemeinte mèt percentueel 't groetste aontal Japanners binne zien grènze.
[bewirk] Links
 |
Commons: Amstelveen – Media gerelateerd aan dit óngerwerp |
| Provincie Noord-Holland | |
|---|---|
|
Aalsmeer | Alkmaar | Amstelveen | Amsterdam | Andijk | Anna Paulowna | Beemster | Bennebroek | Bergen | Beverwijk | Blaricum | Bloemendaal | Bussum | Castricum | Den Helder | Diemen | Drechterland | Edam-Volendam | Enkhuizen | Graft-De Rijp | Haarlem | Haarlemmerliede en Spaarnwoude | Haarlemmermeer | Harenkarspel | Heemskerk | Heemstede | Heerhugowaard | Heiloo | Hilversum | Hoorn | Huizen | Koggenland | Landsmeer | Langedijk | Laren | Medemblik | Muiden | Naarden | Niedorp | Oostzaan | Opmeer | Ouder-Amstel | Purmerend | Schagen | Schermer | Stede Broec | Texel | Uitgeest | Uithoorn | Velsen | Waterland | Weesp | Wervershoof | Wieringen | Wieringermeer | Wijdemeren | Wormerland | Zaanstad | Zandvoort | Zeevang | Zijpe |
|
