Amerindische spraoke

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Dit artikel geitj euvere inheimsje spraoke van Amerika; veure veurgestèldje spraokfemielje, zuuch: Amerindische spraoke (Greenberg).


Sjrif op 't Yucateeks Maya inne Dresdener codex, róndje 11en of 12en ieëf, Chichen Itza.

De Amerindische spraoke zeen de spraoke die dore inheimsje luuj van Amerika gekaldj waere, van Alaska en Greunlandj toet 't uterste zujelik puntj van Zuud-Amerika. Dees inheimsje spraoke zeen te verdeilen in tieëntaal aan versjillige spraokfemieljes, esouch in väöle isolaatspraoke en spraoke wovan de precieze indeiling neet bekèndj is.

Me haet väöl veurstèlle gemaak óm dees spraoke in te deilen in femieljes op 'n hoger niveau, wie in drie macrofemieljes: Eskimo-Aleoetisch, Na-Dené en Amerindisch, meh dees veurstèlle woorte door bekans alle specialisten aafgeweze.

Volges UNESCO zeen de meiste inheimsje Amerikaanse spraoke in Naord-Amerika zieër bedreig en väöl al oetgestórve. De Amerindische spraok mitte meiste spraekers is 't Zuud-Quechua, mit róndje zès à zeve miljoen spraekers, veurnamelik in Zuud-Amerika.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Amerindische_spraoke&oldid=363924"