1639
Van Wikipedia
Inhawd |
Gebäörtenisse [bewirk]
- jannewarie - Rembrandt, noe eine rieke man, köp ein groat hoes in de Amsterdamse Breesjtraot (later wirt dat ’t Rembrandtshoes).
- 18 juli - Bernhard, hertog van Sakse-Weimar en opperbevelhöbber van de geallieerde legersj in de Dertigjaorige Aorlog, sjturf óngerèns in zien laegerkamp biej Neustadt. Hoewaal in 't kamp de pes heërsj, gaon geruchte dat de generaal op bevel van kardinaal Richelieu is vergiftig.
- 21 oktober - Zeësjlaag biej Duins. De Repebliek der Zeve Verenigde Nederlanje veurt al mee es zevetig jaor eine vriejheidsaorlog taenge 't Sjpaans imperium. Ómdat de waeg euver landj door eine aorlog mèt Frankriek is aafgesjlaote, zint de Sjpanjaarde gedwónge óm troepeversjterkinge euver zeë nao de Nederlanje te verveure. Dees 'tweëde Armada' wirt aevel in ’t Kanaal door de Nederlandjse admiraal Maarten Harpertszoon Tromp opgewach en ingesjlaote. 't Kos de Sjpanjaarde 43 sjeep en zösdoezend mansjappe.
- 4 december - De eësjte waargenómme venuseuvergank door Jeremiah Horrocks.
Gebaore [bewirk]
- 13 april - Joan Leonardsz Blasius, Nederlandjse sjriever en dichter (gesjtórve 1672)
- 14 oktober - Simon van der Stel, Nederlandjs óntdèkkingsreiziger en eësjte gouverneur van Kaap de Goje Hoop
- 21 december - Jean Racine, Franse dramadichter .
Gesjtórve [bewirk]
- 1 juni - Melchior Franck, Duutsje compenis
- 6 juni – Peter Crüger (58), Duutsje filoloog, astronoom en wiskundige
- 7 augustus - Maarten van den Hove (34), Nederlandjse wiskundige en sjterrekundige
- 3 november - Martinus van Porres (59), Peruaanse Dominicaan en heilige
- 9 november – Sixtinus Amama (46), Nederlandjse theoloog en orientalis
Beeldende Kuns [bewirk]
-
Portrèt van Kardinaal-Infant Ferdinand (1639) Gaspar de Crayer
