Bekiek brón van Zjwier

{{dialek|Zjwiers}}
[[Plaetje:Zjwierwkped02.JPG|thumb|300px|Zjwier, baoëve de Beëssebeëk 2002]]
'''Zjwier''' of '''Sjwier''' ([[Nederlands]]: ''Swier'') is e [[gehuch]] in [[Nederlands Limburg|Zuid Limburg]]. 't Is óngerdeël van de [[gemeinte|gemeënte]] [[Baekdale]]. Vuur [[1982]] huurde Zjwier bie de gemeënte [[Wienesrao]]. Die gemeënte woeët in dat jaoër samegevoog mèt [[Nut]], wat in [[2019]] zelf weer opgóng in Baekdale.

't Gehuch lik, in lintbeboewing, op 'ne huuëvelrök, deë parallel löp aan de [[Beëssebeëk]] (Bissebeek) en wuuët aan alle ziej umgeëve doer groeëte velder: 't [[Wienesrao|Raoëderveld]], 't [[Hèllebrook|Hèllebrokerveld]], 't [[Geweustrao|Gewuuëstraoëderveld]] en 't Huuëskesveld richting [[Klumme]]. In die velder ligke groeëte [[carréboerderie|boerehäöëf]] zoeëwie d'r [[Brómmele (Wienesrao)|Brómmelderhaoëf]], d'r Zjwierderhaoëf, d'r ouwe Bóngert en d'r nuje Bóngert. De historie van die häöëf zou trukgaoë naoë de [[Middeliewe|Middelieëwe]].

==Historie==
[[Plaetje:Zjwierbissebeekwkped03.JPG|thumb|300px|right|De Beëssebeëk]]
In archieve sjteet 't pleëtske in [[1316]] gesjrieëve es ''Scarwirre'', wat ploog of boewland beteëkent. Op 'n kaart oeët [[1558]] sjteet 't agegeëve es ''Schwyer'', dat qua oeëtsjpraoëk 't zelfde klink wie Zjwier. Op 'n kaart oeët 1840 sjteet ''Sweijer'', in 1842 is dat ''Sweyer''.

In de beënde woeë de Beëssebeëk en de [[Hölsberg|Hölsbergerbeëk]] biej ee kómme zint uuëverblieëfsele va fundamente van 'ne [[Romeinse tied|Romeinse villa]] vónge. 'ne Andere villa zou in 't Gewuuëstraoëderveld höbbe gesjtange.

=='t Dörp==
[[Plaetje:Zjwier-isidoruskapel2.jpg|thumb|right|300px|Isidoruskapel]]

Midde i Zjwier sjteet 't Zjwierder [[kruuts]]ke, e ieëzere weëgkruuts op d'r driesjprunk va d'r dörpsweëg en d'r Pötweëg (noeë Landweëg genumd). In 1963 woeët hie 'n vierde vootweëgske aafgeslaoëte, laopend richting [[Hèllebrook]] en Nut. Hie waoër ouch 't centrum en verzamelpunt en kaoëme de luuj 't water haoële bie de [[waterpöt|dörpspómp]]. Die is doer de heëmkundevereëniging gerestaurierd. Bie de pomp begós nog 'n paad doer de beënde ''I g'n Wales''. Dit is noe aoch voed.
I ge veld sjtunt uuëveral op de sjplitsinge weëgkrutser.
Aan een van die kruutsinge, in 't verlengde van d'r Landweëg (de Lang Gats), sjteet seër [[2000]] 'n vierkentige, baksjtene [[kapel]] gewiejd aan d'r Heilige [[Isidorus van Madrid]]. 
Zjwier huuët biej de parochie Wieënesraoë. Daoëvuur is begin 20e ieëw d'r Zjwierderkèrkweëg agelag. Aoch vuur g'n sjoeël mótte alle kinger nao Raoë.

==Häöëf==
De luuj va Zjwier waoëre vreuger boere, later wèrkde d'rsj väöl op g'n [[koel]].
[[File:Wijnandsrade-Swier 30 (2).JPG|thumb|Haoëf Lindelauf, e rieksmonument oet 1641]]
* d'r [[Haof Bóngert]] (De Bongard)
* d'r [[Ouwe Bóngert]] (Oude Bongard)
* Brommelder haoëf  (Hoeve Brommelen)
* haoëf Brómmele (met vuurmalige [[watermuuële]] op de Siep-[[Gelaenbaek|Gelaeënbeëk]])
* Zjwierderhaoëf (hoeve Swier)
* te [[Nietese]] (Nijthuizen)
* D'r vuurmalige haoëf op Swier 30: Lindelauf, 'n rieksmonument in baksjteen en [[mergel]] oet 1641-1651.
* D'r hieërehaoëf Te Vel (de Velde) is in 1968 aafgebraoëke.

==Dörpsvereëniginge==
* Carnavalsvereëniging ''de Veldkretsersj''
* Buurtvereëniging Swier

==Externe link==
* swier.jouwweb.nl (Website uuëver 't dörp)

{{GemeinteBaekdale}}
[[Categorie:Baekdale]]
[[Categorie:Gehuchte in Nederlands Limburg]]