Bekiek brón van Waeg

{{Dialek|Mofers}}
[[Plaetje:Nationaal_Park_Drents-Friese_Wold_011.JPG|thumb|'ne Zandjwaeg dore bós.]]
[[Plaetje:FR_maart2007.jpg|thumb|'ne Medernen asfaltjwaeg in Frankriek.]]
'ne '''Waeg''' (binne de beboewdje kóm meis "[[straot]]" geneump) is 'ne smale striep dae aangelag woren is euver 't landj of op 'n kónsmaesige structuur (wie 'nen [[diek]] of 'n [[brögk]]) en dae, meis middels hel te make, gesjik gemaak is veur 't [[verkieër]]. Dit hel make deentj veure begenkelikheid van veurtuge meugelik te maken of te baeter. Waeg zeen e wichtig óngerdeil vanne [[infrastructuur]] van 't verkieër.

't Waord "waeg" wuuert ouch euverdrechtelik gebroek veur infrastructure van anger verveursmiddele, wie [[spaorwaeg]] en [[waterwaeg]]. 

== Gesjiechte ==
De ieëste waeg wore veural pajer inne vorm van platgetraoje stökker gróndj wo regelmaesig luuj of bieëster euverhaer lepe, vergeliekbaar mitte wildjpajer dore bós. Ónbegenkelike deil van 't landj woorte gemeinelik vermeje.

Nao de kóms vanne landjboew begóste dees pajer zich te óntwikkele toet richtige waeg, doordet verveursmiddelen óntstóngen en me de noeadzaak haw vieë en hanjelswaar te verveure. Aanvenkelik wore dees waeg smaal, meh naodet de [[wage]] zich óntwikkeldj haw woorte dees waeg breier.

Op drökker pajer óntsting wiejer nag de noeadzaak veur passeerplaatsen aan te make, det 't verkieër oet taengeneuvergestaldje richting mekkelik langsein kós gaon. Mit nag mieë drökdje óntstingen ouch mieë riejstroken en daomit nag breier waeg. 

In Europe wore de [[Romeine]] de ieëste die de waeg tösse versjillendje plaats hel maakdje veur häör laeger flot te kónne verplaatse.

Mitte opkóms van 't autoverkieër innen [[twintjigsten ieëf]] zeen groeate óntwikkelinge gekómmen ane vorm en de gebroekdje matterjale van waeg. Wo m'n ieës meis steiwaeg haw, kwaam 't [[asfaltj]] op.

== Zuuch ouch ==
{{Wiktionair|waeg}}
* [[Autosnelwaeg]]
* [[Autowaeg]]

[[Categorie:Infrastructuur]]