Bekiek brón van Verviers

{{dialek|Valkebergs}}
[[Image:Verviers Liège Belgium Map.svg|thumb|right|Liegking van Verviers in de provincie Luuk]]
'''Verviers''' ([[Waals]]: ''Vervî'') ies 'n [[sjtad]] en [[gemeinte]] in de [[Belsj|Belzje]] provincie [[Luuk (provincie)|Luuk]]. De gemeinte haet 'n oppervlak van 33,07 km² en 't aantal inweunersj ies 52.820 (1 januari 2005). Verviers ies de hoofsjtad van 't [[Verviers (arrendissement)|arrondissement Verviers]], woa 29 gemeintes in liegke. 
Verviers liek aan de [[Vesder]], neet wied van 't sjtuwmeer van [[Gileppe]]. 

==Deilgemeintes en dörper==
Bie de gemeinte Verviers huère ouch de deilgemeintes 
*[[Ensival]]
*[[Heusy]]
*[[Lambermont]]
*[[Petit-Rechain]] 
*[[Stembert]]. 

==Sjtadsfuncties==
[[Image:Verviers-Central.jpg|thumb|right|De sjtasie Verviers-Central]]
De sjtad ies e regionaal verzörgingscentrum. De [[wol]]industrie, woa Verviers al ièwe in gans Europa um bekènd sjteit, ies hie nog ummer gevestig, neve [[metaal]]- en vodingsindustrie. De sjtad haet 'n hospitaal en 'n rechbank. Verviers neump ziech ''Capitale wallonne de l'eau'', ónder andere vanwege de kortbiegelege sjtuwdam van Gileppe en de aanwezigheid van institute wie de Société wallonne des eaux. De sjtasie van Verviers, Verviers-Central, ies 'n veurbeeld van [[eclectisme]] en e sjpoorweegknouppunt aan de lien [[Luuk]]-[[Aoke]].

==Sjtadsbeeld==
[[Image:Verviers Centrum.jpg|thumb|right|De ''Place Verte'' in 't centrum van Verviers]]
Verviers haet nog 'n aantal ouw hièrehoezer. 't Sjtadhoes oet 1775 ies geboewd in [[classicisme|classicistische]] sjtiel. Op 't mertplein veur 't sjtadhoes sjteit 'ne [[perron]] (1732), e symbool van vrieheid en autonomie. De 17e-ièwse kèrk Notre-Dame haet meubilair oet de [[barok]]. 

==Historie==
De bleuj van Verviers begoes in de 17e ièw, mèt de opkóms van de textielindustrie. Aan de sjtad woort door de [[Preensbisdom Luuk|prins-biessjop]] van Luuk de titel van "[[Gooj Stei|gooj sjtad]]" (''bonne ville'') gegeve in [[1651]]. Bies 't begin van de 20e ièw waor Verviers 'n hièl belangrieke industriesjtad op dit gebied; neve de wolindustrie kaome d'r ouch fabrieke veur textielmesjiene, laerloarieje en sjoonsfabrieke. In 't miedde van de 20e ièw verplaatsde de textielindustrie ziech ummer miè nao lièg-loaneleng, woadoor väöl fabrieke oet Verviers weggónge. 

De tegewoordige gemeinte Verviers óntsjtóng in 1977 bie 'n gemeintelike herindeiling. De gemeinte woort doe samegevoog mèt Ensival, Heusy, Lambermont, Petit-Rechain, Stembert en deile van [[Theux]].

==Gebore in Verviers==
*[[Guillaume Lekeu]], componis
*[[Dominique Monami]], tennisster
*[[Henri Pirenne]], historicus
*[[Henri Vieuxtemps]], violis en componis

==Externe link==
*http://www.verviers.be/

{{commonskl|Verviers}}
{{gemeinteVerviers}}
{{GemeintesLuuk}}

[[Categorie:Plaatse in Luuk]]
[[Categorie:Sjtaej in Belsj]]