Twitter

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


Twitter is 'n internetdeens worop gebroekers berichskes van maximaal 140 teikes kinne publicere. 't Is 'n website worop emes, juus wie bie Facebook, e perfiel en 'nan avatar kan aanmake. 't Gebroek van Twitter is gratis.

De hanjeling van 't gebroeke van twitter neump me "twittere" of "tweete" (det "tsjielpe" mènt). 't Logo van Twitter is e veugelke. Twittere mènt det me communiceert via 'ne microweblog op de computer of mobiele tillefoon (of 'n anger aparaat mit aansjloeting op 't internet). De combinatie van weblogge mit instant messaging weurt microblogge geneump.

Oorsjprunkelik waas de vraog van de deens "Waat deis se?". Noe is det "Waat passeert?". Ederen twittereer kan op eder moment van d'n daag in maximaal 140 teikes vertèlle waat gäönde is, waat t'r van plan is of waat 'm bezig hèlt. Ouch geuf 't luuj die veuraaf aankónjige det ze bie 'n evenement dao zölle zeen en dao mit anger luuj doon twittere.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Twitter&oldid=373425"