Nordelik Territorium

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

---

Vlag vaan 't Nordelik Territorium
Nordelik Territorium deilstaot vaan Australië
Hoofstad	Darwin
Oppervlak	1.349.129 km²
Inwoeënors - Dichheid	227.025 (juni '09) 0,16/km²

't Nordelik Territorium (The Territory) is 'n deilstaot in Australië.

Geografie

't Nordelik Territorium grens aan Queensland in 't oeëste, Zuud-Australië in 't zuuje en Wes-Australië in 't weste. 't Is qua oppervlak de op 2 nao groeëtse staot vaan Australië, nao Wes-Australië en Queensland.

De hoofstad is Darwin, det 't meis nordelikste stad vaan 't land is. Andere groeëte plaotse zien Palmerston (23.614 inw.), Alice Springs (26.486 inw.), Katherine (6488 inw.), Tennant Creek (3500 inw.), Jabiru (1137 inw.).

Natuurgebieden

Uluṟu, de wereldberumde rotsj.

't Nordelik Territorium haet 'n groeët natuurgebied en mar wieënig inwoeëners. Twieë vaan de meis bezochte natuurgebieden in Australië ligke in 't Nordelik Territorium: 't Nationaal park Kakadu in 't norde en 't Nationaal park Uluṟu-Kata Tjuṯa in 't zuuje.

Euverig landschap

't Groeëtste gedeilte vaan de Simpsonweustijn en de Tanamiweustijn ligge in de staot. 't MacDonnellgebirgte strek zich oét in 't zuujweste. Arnhemland, 'n reservaat wao en groeët gedeilte van de aboriginals woeëne, laet ok in 't Nordelik Territorium, en 't Barklyplateau, 'n grasvlakte, in 't nordoeësten.