Weuste (landsjap)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Weuste in Libië

'n Weuste is e gebeed boe minder es twiehoonderd mm neerslag in e jaor vèlt, boe bekans gein vegetatie greujt, boedoor d'r ouch neet väöl bieste aonwezeg zien. Door väöl lui weurt gedach, tot de groond vaan 'n weuste altied oonvruchbaar is, evels is dit dèks zjus neet 't geval. Nao tot 't heet geregend in 'n weuste kin e groet deil vaan de weuste verandere in 'ne blommezie. De weuste is evels neet in staot 't water laank vas te hawwe.

Soorte weustes

Zaajtweuste in Marokko

't Gief vief soorte weustes:

• Rotsweuste
• Steinweuste
• Zandweuste
• Zaajtweuste
• Iesweuste

Weusteklimaat

'n Weuste kin eigelek allein veurkomme in e weusteklimaat, dat veural veurkump in de Sahara, 't Midde-Ooste en Australië. 't Weusteklimaat is e BW-klimaat en is daorum e druug klimaat (B-klimaat). 't Versjèl tösse e weusteklimaat en e steppeklimaat weurt bepaold aon de hand vaan de druugte-index.