Kappes
(Doorverweze van Sjpitsmoos)
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
Kappes is ein Limburgs woord dat sjteit veur tweë beteikenisse.
- Mèt kappes wirt in deile van Limburg 'ne sjpitskeuël bedoeld. In anger deile van Limburg wirt hiejveur ouch waal ’t woord sjepeng gebruuk.
- Sóms wirt ’t woord kappes ouch gebruuk es me get waardeloos vundj, of get bedoeld wat niks waerd is. Biejveurbeeld es me zaet: Dat is kappes – (Ned.) Dat is waardeloos.
Etymologie
[bewirk | brón bewèrke]’t Woord kappes is aafgeleijd van ’t Latiense woord caputia of capitata wat keuël of witte keuël beteikent. In ’t Frans is hiejoet 't woord cabus óntsjtaon, in 't Èngelsj cabbage, en via 't middenederlands cabuys is oes woord kappes óntsjtaon.