Sjaasberg (huëvel)

Van Wikipedia
(Doorverweze van Sjaasberg (berg))
Naar navigatie springen Naar zoeken springen
Dit artikel is gesjreve in 't Heëlesj. Ómdat 't plaatsgebónge is, maogs doe 't ómzètte nao 't Hommerigs, es te dit dialek sjpriks.

't Krüts óp d'r Sjaasberg

D'r Sjaasberg (officieel benaming: Schaesberg) is 'ne huëvel bei Hommerig i g'n gemingde Bleiberig, i g'n Belsje provins Luuk. 't Dörpke Hommerig ligk aa g'ne voot van d'r berg en d'r aafsjtand tussje 't dörp en d'r huëveltop is óngevier 200 meter. D'r huëvel hat ing huuëgde van 304 meter boave zieënivo. Boavenóp sjteet e groeët krüts dat al va wiedaaf is te zieë.

D'r berg ligk tussje twieë huëvelrugke. Zie sjeie de Gulp (in 't weste) en de Geul (in 't oeëste) höar sjtroomgebeed vanee. De huëgde ten noarde doavan is 't Plateau van Crapoel mit d'r Beusdalbusj. De huëgde ten zude doava lupt noa Kapel. Um d'r huëvel lupt 'n sjpoarlieng die neet mieë i gebroek is.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjaasberg_(huëvel)&oldid=447532"