Bekiek brón van Rouen

{{dialek|Norbiks}}
{{PositieKaart
 |landj=Frankriek
 |etiket=Rouen
 |lat=49.44
 |long=1.10
 |positie=left
 |zjweef=right

 |breide=200}}
'''Rouen''' of '''La Ville aux cent clochers''' (''De sjtad mèt de hoonderd kèrktaoëres'') liegkt in 't noord-ooste va [[Fraankriek]] en is de [[hoofstad]] van de regio Haute-[[Normandië]] en van 't départemaent Seine-Maritime. 

== Oontdèkking aodste Limburgse dialektekste ==
In [[2002]] oontdèkde de dialektologe [[Frens Bakker]] en [[Joep Kruijsen]] ach vertalinge van 't [[biebel|biebelverhaol]] ''d'r verlaore zoon'' in versjèjje [[Limburgs|Limburgse]] dialekte in de archieve va Rouen. Volges [[Pierre Bakkes]] gèèt 't öm de groeëtste oontdèkking väör 't Limburgs saer d'r vondst van 't [[Limburgse literatuur|Mestreechse Sermoen]].
[[Image:Rouen rues jnl 3.jpg|thumb|450px|Aowe [[maert]]]]
== Algemèng ==
Rouen wert dörkruusd dör de [[Seine]] en driej klènger ziejrevere: de ''Aubette'', de ''Robec'' en de ''Cailly''.
D'r wonne in 2007 115.000 luuj in de sjtad en nog èns 410.000 in de boetewieke. Rouen is 'n aow industriesjtad. 'n Klèng minderhèèd in Normandië sjprèkt nog 't [[Normandisch]]. Frankriek erkènt gèng minderheidstale in 't kader van 't [[Europees Handvest]] en 't Normandisch is 'n sjtaerk bedreigde [[taal]].

[[Victor Hugo]] haat Rouen bezonge in 'n gedich oet ''Les Feuilles d'automne'':

Amis, c'est donc Rouen, la ville aux vieilles rues, <br>
Aux vieilles tours, débris des races disparues, <br>
La Ville aux cent clochers carillonnant dans l'air, <br>
Le Rouen des châteaux, des hôtels, des bastilles, <br>
Dont le front hérissé de flèches et d'aiguilles <br>
Déchire incessamment les brumes de la mer ; <br>

Kiek väör vertaling in 't [[Limburgs]]: [[Lies van vertalinge sjtäölkes]]

== Gesjiedenis ==
[[Image:CathedralRouen.JPG|thumb|Kathedraal va Rouen]]
De aodste sjpore va miensjeleke bewuëning sjtamme oet d'r zèsde-viefde ieëw v. Chr. oet de [[La Tène-cultuur]]. De sjtad Rouen is gesjticht in d'r [[Romeins Riek|Romeinse tied]] en hoosj doe ''Rotomagus''. ''Roto'' betekent ''kar'' en ''magus'', [[maert]].
In de driejde ieëw belaefde de Romeinse nederzetting häör hoeëgtepeunt. Me vindt d'r zelfs 'n [[Italica|amfitheater]] oet dae tied.

Vanaaf d'r driejde ieëw beginne de [[Germane|Germaanse]] invalle. In d'r ieëw d'r op waoërt d'r örsjte [[kathedraal]] geboewd en d'r örsjte [[bisjop]] beneumd, d'r [[Heilige]] ''Victrice''.
Roond 800 beginne de invalle van de [[Noormanne]].

=== Jeanne d'Arc ===
[[Image:Portrait_jeanne_d'arc.jpg|thumb|left|100px|Jeanne d'Arc]]
In [[1419]] wert Rouen bezat dör de [[Vereinig Keunikriek|Engelsje]]. In [[1431]] wert [[Jeanne d'Arc]] van [[Orléans]] in Rouen berech en verbraand op d'r braandsjtapel umdat ze de Fraanse how geleid in hunne taegesjtaand taege d'r Engelsje bezètter. In [[1449]] geet Rouen truuk nao Fraankriek.

=== Moderne tied ===
In [[1870]] waoërt Rouen bezat dör de [[Duutsjlaand|Duutsjers]]. Ooch waor de sjtad betrokke bie d'r Ursjte en d'r [[Twiede Wereldoorlog|Twiede Waeltkrèèg]]. In d'r lètste krèèg zeunt väöl besjadiginge aa-gerich dör bommewerpers.

== Gebaore in Rouen ==
[[Image:Sixième pont Rouen.jpg|thumb|Gustave Flaubert brugk in constructie]]
[[Image:Gfnaissance.gif|thumb|left|100px|Gebaoërte-acte va Gustave Flaubert]]
[[Gustave Flaubert]], sjriever, gebaore [[12 december]] [[1821]].
Flaubert sjreef o.m. ''Madame Bovary'' en ''L'éducation sentimentale, histoire d'un jeune homme''.

==Musea==
* 't ''Musée des beaux arts''. Museum vör fieng keunste.
* 't ''[[Musée maritime fluvial et portuaire de Rouen|Musée maritime fluvial et portuaire]]''. 'n Museum euver de historie van d'r have en de sjeepvaart 

== Externe link ==
* [http://www.rouen.fr Officieel website]
* [https://web.archive.org/web/20070803181901/http://www.rouentourisme.com/default.asp?ext=en Tourist Office]
[[categorie:Seine-Maritime]]