Posalveolaar
(Doorverweze van Pósalveolair)
Dit artikel is gesjreve (of begós) in 't AGL. Laes hie wie v'r mit de versjillende saorte Limburgs ómgaon.
'ne Palato-alveolaar, alveo-palataal of postalveolaar is 'ne klank dae gevörmp weurt door de tóng örges tösje 't hel gehiemelte en de tandjkasse te plaatse. 't Resultaat is meistal 'n affricaat of fricatief: /tj/, /ts/, /tsj/, /dj/, /dz/ en /dzj/, /sj/ of /zj/. De officieel symbole hieveur sjtaon in 't Internationaal Fonetisch Alfabet. /s/ en /z/ zien alveolaar fricatieve.
't Limburgs kent ónger de Panninger Linie mie palato-alveolare fricatieve es 't Nederlands: stad - sjtad, zwaard > sjwaert, zwaan > zjwaan.