Poalkrink

Van Wikipedia
(Doorverweze van Poealkrink)

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


De poalkring staont aangegaove mit 'n roaj lien.

De poalkring zint biezunjer parallelle op 66½ NB en ZB. Op de poalkring kump de zón einen daag de jaor neet op en geit de zón einen daag de jaor neet ónger. 't Aantaal aan daag de jaor det de zón neet opkump of neet óngergeit wuèrtj grótter demaot me vanaaf de poalkring wiejer in de richting van de puèl geit.

De plaats wo de zón einen daag de jaor neet óngergeit versjiltj de jaor. Sómtieds ligk dees naordeliker, sómtieds zudeliker van de poalkrink. Eder jaor haet dus 'nen eige poalkrink. De brèdje van 66½ is 't gemiddeldje van dees jäörlikse sjoemmelinge.

Próntj op de geografische naord- en zuudpoal geit de zón 'n half jaor neet ónger (de poaldaag) en kump t'r 'n half jaor neet op (de poalnach).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Poalkrink&oldid=388021"